આમ આદમી પાર્ટીના ડેડીયાપાડાના ધારાસભ્ય ચૈતર વસાવાને વડોદરા જેલમાં મોકલાયા
saurashtrabhoomi 
વડોદરા, તા.24
ડેડિયાપાડાના આમ આદમી પાર્ટીના ધારાસભ્ય ચૈતર વસાવા અને તેમની પત્ની શંકુતલા વસાવા સહિત કુલ 9 આરોપીઓને ચુસ્ત બંદોબસ્ત વચ્ચે વડોદરા સેન્ટ્રલ જેલમાં ખસેડવામાં આવ્યા છે.
આ તમામ આરોપીઓને નર્મદા એડિશનલ સેશન્સ કોર્ટે વન વિભાગના કર્મચારીઓ પર થયેલા હુમલા અને ધમકી આપવાના ગંભીર કેસમાં 7 વર્ષની કેદની સજા ફટકારી છે.
વડોદરા સેન્ટ્રલ જેલ પહોંચ્યા બાદ, જેલ પ્રશાસન દ્વારા નિયત કરવામાં આવેલી તમામ કાયદાકીય અને વહીવટી કાર્યવાહી શરૂ કરવામાં આવી હતી. આ કાર્યવાહીમાં આરોપીઓના મેડિકલ ચેકઅપથી લઈને તેમના કેદી નંબરની ફાળવણી, બેરેકની ફાળવણી અને જેલના નિયમો અને પ્રક્રિયાઓની સમજ આપવાનો સમાવેશ થાય છે.
)
