મુંબઈમાં મેઘતાંડવ : સમગ્ર શહેર પાણી-પાણી : રેલ વ્યવહાર ઠપ્પ શાળા-કોલેજાે બંધ : બિલ્ડીંગ ધરાશાઈ થતાં 6 લોકોના મોત
ભૂસ્ખલનથી મુંબઈ-પુણે વચ્ચેનો રેલ વ્યવહાર સંપૂર્ણપણે ખોરવાયો : 16 ટ્રેનો રદ્દ : મુંબઈના માર્ગો પર ઘુટણ સુધી પાણી ભરાયા
saurashtrabhoomi 
(એજન્સી) મુંબઇ તા.6:
દેશના આર્થિક પાટનગર મહાનગર મુંબઈમાં છેલ્લા કેટલાક દિવસોથી સતત પડી રહેલા ભારે વરસાદથી શહેર સંપૂર્ણપણે ડૂબી ગયું છે. રસ્તાઓ નદીઓમાં ફેરવાઈ ગયા છે, ઘરો અને દુકાનોમાં પાણી ઘૂસી ગયા છે અને લોકલ ટ્રેનો પ્રભાવિત થઈ છે. ધોધમાર વરસાદને કારણે જનજીવન ઠપ્પ થઈ ગયું છે.
વસઈ-વિરાર, મલાડ, અંધેરી, ભાંડુપ, દાદર, માટુંગા અને નવી મુંબઈ જેવા વિસ્તારોમાં ઘણા રસ્તાઓ ઘૂંટણ સુધી પાણીથી ભરાઈ ગયા છે. ઘણી જગ્યાએ વાહનો ફસાયેલા છે, રસ્તાઓ પર ફક્ત કારની છત જ દેખાય છે. દરમિયાન, ભારતીય હવામાન વિભાગ (ૈંસ્ડ્ઢ) એ આગાહી કરી છે કે મુંબઈ અને આસપાસના વિસ્તારોમાં વરસાદથી કોઈ રાહત મળશે નહીં.
દરમિયાન, ભાંડુપમાં રસ્તાનો એક ભાગ ધરાશાયી થઈ ગયો છે, જેના કારણે ટ્રાફિક ગંભીર રીતે ખોરવાઈ ગયો છે. જોરદાર પવન અને વરસાદથી વૃક્ષો ઉખડી ગયા છે અને રસ્તાઓ પર પડી ગયા છે, જેના કારણે અનેક વાહનોને નુકસાન થયું છે. અનેક સ્થળોએ વૃક્ષો પડી ગયા છે. દરમિયાન, મુંબઈના ઉપનગરીય રેલ્વે ટ્રેક પર પૂરને કારણે લોકલ ટ્રેનો ખોરવાઈ ગઈ છે. દાદર, વડાલા અને ઘાટકોપર જેવા સ્ટેશનો પર રેલ્વે ટ્રેક વરસાદી પાણીથી છલકાઈ રહ્યા છે.
ભારે વરસાદ વચ્ચે માનખુર્દમાં રાતના એક બહુમાળી ઈમારત ધરાશયી થવામાં મોટી દુર્ઘટના સર્જાઈ. આ બનાવ રાતના 8.30 વાગ્યાના સુમારે બન્યો હતો. જનતાનગર સ્થિત હનુમાન મંદિરના પાછળની ચાલમાં પાંચ નંબરમાં દુર્ઘટના ઘટી. ઈમારત ધરાશયી થવાની ઘટનામાં ૬ લોકોનાં મોત થયા છે, જેમાં ચાર મહિલા સહિત અન્ય લોકોનો સમાવેશ થાય છે.
આજે સવારથી જ શરૂ થયેલા પ્રલયકારી વરસાદ અને તેના કારણે થયેલા શ્રેણીબદ્ધ ભૂસ્ખલનને પગલે મુંબઈ અને પુણે વચ્ચેનો વાહનવ્યવહાર તેમજ રેલવે સંપર્ક સંપૂર્ણપણે ખોરવાઈ ગયો છે. આકાશી આફતના કારણે બંને શહેરો વચ્ચે દોડતી 16 જેટલી મહત્વની ટ્રેનો રદ કરવામાં આવી છે, જ્યારે 9 ટ્રેનોના રૂટ ડાયવર્ટ કરાયા છે. આ ઉપરાંત સુરક્ષાના કારણોસર મુંબઈ-પુણે એક્સપ્રેસ-વે અને જૂનો હાઇવે પણ આગામી આદેશ સુધી વાહનોની અવરજવર માટે સંપૂર્ણ બંધ કરી દેવાયા છે. હવામાન વિભાગે સ્થિતિની ગંભીરતાને જોતા મુંબઈ માટે ઓરેન્જ એલર્ટ અને પુણે માટે રેડ એલર્ટ જાહેર કર્યું છે.
