Breaking News જૂનાગઢમાં પાન-બીડી માવાની દુકાન ઉપર લોકો ઉમટી પડ્યાં By Abhijeet Upadhyay May 20, 2020 No Comments જૂનાગઢ શહેર અને જીલ્લામાં ગઈકાલે ચોથા લોકડાઉનનાં અમલીકરણ સાથે જૂનાગઢ સહિત ગુજરાત રાજયભરમાં જે શહેરોમાં છુટછાટ મળી છે ત્યાં પાન-માવા, ગુટખાં સહિતની ચીજવસ્તુઓની છુટ મળી જતાં પાન-માવાની દુકાનો ખુલ્લી ગઈ હતી. જયારે અમુક પાન પાર્લર તથા હોલસેલ તમાકુના વેપારીઓની દુકાનો બંધ રહી હતી તે આજે ખુલ્લી ગઈ છે. એટલું જ નહીં વિવિધ શહેરોમાં તો લોકોએ પાન-માવો-સોપારી-તમાકુ વગેરે લેવા ભારે ઘસારો પણ કર્યો હતો. જૂનાગઢ શહેરની વાત કરીએ તો જૂનાગઢ શહેરમાં ગઈકાલે પ્રથમ દિવસે ખાસ ભીડ જાવા મળી ન હતી પરંતુ આજે બીજા દિવસે સવારથી જ હોલસેલ અને જથ્થાબંધનાં પાન-બીડી-તમાકુનાં વેપારીઓની દુકાને લોકોનો ભારે ઘસારો જાવા મળ્યો હતો. સવારથી જ લોકો તમાકુ પાન, માવો, ગુટખાં સહિતની વસ્તુઓ લેવા માટે લાંબી-લાંબી કતારોમાં ઉભેલાં જાવા મળ્યા હતા અને એક તકે ખુબ જ ભીડ જમાં થતાં સલામતી જળવાઈ તે માટે પોલીસ બંદોબસ્ત પણ ગોઠવવામાં આવ્યો છે. સાથેની તસ્વીરમાં પાન-બીડીની દુકાનો ઉપર લાંબી કતારો જાવા મળે છે અને કોઈ જાતની ગેરવ્યવસ્થા ન ફેલાઈ તે માટે પોલીસ બંદોબસ્ત જાળવી રહી છે.
