ઈરાન - અમેરીકા વચ્ચે ઓમાનમાં યોજાઈ રહેલી બેઠક નિષ્ફળ જશે તો મધ્યપૂર્વ ભડકે બળશે
saurashtrabhoomi 
(એજન્સી) નવી દિલ્હી,તા.૦૬:
અમેરિકા અને ઈરાન વચ્ચે ચાલી રહેલા સંઘર્ષે મધ્ય પૂર્વને ભારે તણાવની સ્થિતિમાં મૂકી દીધું છે. ઓમાનમાં અમેરિકા અને ઈરાન વચ્ચેની મહત્વપૂર્ણ બેઠક થોડા કલાકો બાકી છે, પરંતુ બંને દેશોની સેનાઓ પહેલાથી જ સામસામે આવી ગઈ છે. યુએસ મીડિયા અહેવાલો દાવો કરે છે કે યુએસ ફાઇટર જેટ્સે ઈરાનના સુપ્રીમ લીડર આયાતુલ્લાહ અલી ખામેનીના ગુપ્ત બંકર પર કબજાે જમાવી લીધો છે. આ પ્રશ્ન ઊભો કરે છે જાે ઓમાન બેઠક નિષ્ફળ જાય, તો શું યુએસ રાષ્ટ્રપતિ ડોનાલ્ડ ટ્રમ્પ ખામેનીના બંકર પર હુમલો કરવાનો આદેશ આપશે?
દરમિયાન, કતાર, તુર્કી અને ઇજિપ્તની મધ્યસ્થી હેઠળની બેઠકમાં ઈરાનના પરમાણુ અને મિસાઈલ કાર્યક્રમો પર ચર્ચા થવાની છે. આ બેઠકનું આયોજન ઓમાનના વિદેશ મંત્રી બદર અલ-બુસૈદી કરશે, જેમાં ઈરાનના વિદેશમંત્રી અબ્બાસ અરાઘચી પણ સામેલ થશે અને અમેરિકાના જેરેડ કુશનર અને સ્ટીવ વિટકોફ ભાગ લેશે. જાેકે, બેઠક પહેલા જ અમેરિકાના લશ્કરી કાફલાએ અરબી સમુદ્રમાં ઈરાની ડ્રોનને તોડી પાડ્યું હતું. આ ઘટનાને બંને પક્ષો પોતાની લશ્કરી તાકાત અને બેઠક પહેલાના ઈરાદાઓના પ્રદર્શન તરીકે જાેઈ રહ્યા છે. અમેરિકાએ પહેલાથી જ આ ક્ષેત્રમાં પોતાની લશ્કરી હાજરી વધારી દીધી છે, જ્યારે ઈરાને મિસાઈલ પરીક્ષણો પણ કર્યા છે અને એક નવું ભૂગર્ભ મિસાઈલ કેન્દ્ર પણ જાહેર કર્યું છે. એવું કહેવામાં આવી રહ્યું છે કે ઓમાનમાં આ બેઠકની સફળતાની શક્યતા ખૂબ જ ઓછી દેખાય છે. આ મુખ્યત્વે એજન્ડાને લઈને બંને દેશો વચ્ચે ઊંડા મતભેદોને કારણે છે. અમેરિકા ઈચ્છે છે કે ઈરાન તેના પરમાણુ કાર્યક્રમ તેમજ તેના મિસાઈલ કાર્યક્રમ પર ચર્ચા કરે, પરંતુ ઈરાન ફક્ત પરમાણુ મુદ્દા પર ચર્ચા કરવા તૈયાર છે.
)
