નેશનલ હાઈવે પર અકસ્માતો માટે કોન્ટ્રાકટર જવાબદાર રહેશે : પ્રત્યેક મૃત્યુ માટે રૂા.રપ થી ૩૦ લાખનો દંડ થશે
saurashtrabhoomi 
નવી દિલ્હી તા.૨૦:
રાષ્ટ્રીય ધોરીમાર્ગો પર માર્ગ અકસ્માતોમાં મૃત્યુની વધતી સંખ્યાને ધ્યાનમાં રાખીને, માર્ગ પરિવહન અને ધોરીમાર્ગ મંત્રાલયે એન્જિનિયરિંગ, પ્રાપ્તિ અને બાંધકામ (EPC) કાયદા હેઠળ એક નવી સિસ્ટમ સ્થાપિત કરી છે. EPC પ્રોજેક્ટ્સના કોન્ટ્રાક્ટરોને તેઓ બનાવેલા રસ્તાઓ પર વારંવાર થતા અકસ્માતો અને મૃત્યુ માટે દંડ કરવામાં આવશે. જો કે, કોન્ટ્રાક્ટરોને પ્રથમ અકસ્માતના ૧૫ દિવસની અંદર ખામીઓ સુધારવાની તક આપવામાં આવશે.
જો પહેલા અકસ્માતના એક વર્ષની અંદર અથવા પાછલા અકસ્માત પછી સુધારાત્મક કાર્યવાહી પૂર્ણ થયાના એક વર્ષની અંદર ખામીઓને કારણે તે જ સ્થાનથી ૫૦૦ મીટરની અંદર બીજો અકસ્માત થાય છે, તો કોન્ટ્રાક્ટરને દરેક મૃતક માટે રૂા.રપ લાખ અને દરેક ગંભીર રીતે ઘાયલ વ્યક્તિ માટે રૂા.૧૦ લાખનો દંડ કરવામાં આવશે.
