ભારતના કોર્પોરેટર અને નાણાંકીય ઈતિહાસમાં નોંધપાત્ર સીમાચિન્હરૂપ જીયોના મેગા ઐતિહાસીક આઈપીઓનું સ્વાગત

જૂનાગઢ તા.૧૬
Jio Platfroms અને તમામ બુક-રનિંગ લીડ મેનેજર્સ વતી આ ઐતિહાસિક પ્રસંગે આપ સૌનું હાદિર્ક સ્વાગત કરતાં મને અત્યંત આનંદ થાય છે. આજનો દિવસ ભારતના કોર્પોરેટ અને નાણાંકીય ઇતિહાસમાં એક નોંધપાત્ર સીમાચિહ્ન સમાન છે.
Jioએ ભારતમાં ડિજિટલ ક્રાંતિ લાવવામાં મહત્ત્વપૂર્ણ ભૂમિકા ભજવી છે. તેણે કરોડો ભારતીયોના રોજિંદા જીવનમાં પરિવર્તન લાવ્યું છે અને આજે પણ દેશના ડિજિટલ ભવિષ્યને નવી દિશા આપી રહ્યું છે.
હું આપ સૌને વર્ષ ૧૯૭૭માં લઈ જવા માગું છું, જ્યારે મારી ઉંમર માત્ર ૧૮ વર્ષની હતી. મને આજે પણ મરીન ડ્રાઇવ અને ચોપાટી ખાતેની એક સાંજ યાદ છે, જ્યારે સમગ્ર વિસ્તાર રોશનીથી ઝળહળી ઊઠ?યો હતો. મને જણાવવામાં આવ્યું હતું કે આ રોશની અને ઉત્સાહ ધીરૂભાઈ અંબાણી દ્વારા સ્થાપિત રિલાયન્સ ટેક્સટાઇલ ઇન્ડસ્ટ્રીઝના IPOના માર્કેટિંગ અને પ્રચારનો ભાગ હતો.
એ ક્ષણે મારા મન પર ઊંડી છાપ છોડી હતી. તેનાથી મારી વિચારસરણી પ્રભાવિત થઈ અને નાણાકીય સેવાઓના ક્ષેત્રમાં મારું ભવિષ્ય ઘડવામાં પણ તેનો ફાળો રહ્યો. કંપનીને જાહેર જનતા માટે ખુલ્લી મૂકવી, રોકાણકારોને કંપનીની વિકાસયાત્રામાં ભાગીદાર બનાવવું અને તેમના માટે મૂલ્યનું સર્જન કરવું કેટલું મહત્ત્વપૂર્ણ છે, તે સમજાવવા બદલ હું આજે પણ સ્વર્ગસ્થ શ્રી ધીરુભાઈ અંબાણીનો આભારી છું. 
આજે જ્યારે આપણે ફરી એક ઐતિહાસિક પ્રસંગે એકત્રિત થયા છીએ, ત્યારે એ જૂની યાદો ફરી તાજી થઈ ગઈ છે. 
છેલ્લાં કેટલાંક દાયકાઓમાં ચેરમેન શ્રી મુકેશ અંબાણીના પરિવર્તનકારી નેતૃત્વ હેઠળ રિલાયન્સ ઇન્ડસ્ટ્રીઝ લિમિટેડ (RIL) ગ્રુપ ભારતના અગ્રણી બિઝનેસ ગ્રુપ્સમાં સ્થાન પામ્યું છે. Jioનાં લિસ્ટિંગ બાદ, લિસ્ટેડ માર્કેટ કેપિટલાઇઝેશનના આધારે આ ગ્રુપ ભારતનું સૌથી મોટું કૉન્ગ્લોમરેટ બનવા તરફ આગળ વધી રહ્યું છે.
લગભગ બે દાયકા બાદ RIL ગ્રુપ તરફથી આવી રહેલો આ ઐતિહાસિક IPO છે. પ્રાઇસ બેન્ડના ઉપરના ભાવે ૩૦,૧૮૮ કરોડના ઇશ્યૂ સાઇઝ સાથે, તે ભારતનો અત્યાર સુધીનો સૌથી મોટો IPO બનવા જઈ રહ્યો છે.
આ મહત્ત્વપૂર્ણ સિદ્ધિ નવી પેઢીના નેતૃત્વના ઉદયને પણ દર્શાવે છે. આકાશ અંબાણી અને ઈશા અંબાણી તેમના પિતા અને માર્ગદર્શક શ્રી મુકેશ અંબાણીના નેતૃત્વ હેઠળ ડિજિટલ સેવાઓ અને રિટેલ ક્ષેત્રમાં નવા યુગના વ્યવસાયોનું નિર્માણ કરી રહ્યાં છે.
Jio Platfromsને અન્ય કંપનીઓથી અલગ પાડતી બાબતોમાં તેના ૫૩ કરોડ ગ્રાહકો, અસાધારણ અમલીકરણ ક્ષમતા અને સમગ્ર ઉદ્યોગમાં પરિવર્તન લાવવાની શક્તિનો સમાવેશ થાય છે.
મને વર્ષ ૨૦૧૬ની આસપાસનો સમય યાદ આવે છે, જ્યારે ટેલિકોમ ક્ષેત્રમાં રિલાયન્સ ગ્રુપ શું કરશે તે અંગે ઉદ્યોગના અનેક લોકોના મનમાં પ્રશ્નો હતા. પરંતુ Jioએ બજારમાં પ્રવેશ કર્યો ત્યારે તેણે જોરદાર શરૂઆત કરી અને મોબાઇલ કનેક્ટિવિટીના ક્ષેત્રમાં ક્રાંતિકારી પરિવર્તન લાવી દીધું. તેણે ભારતમાં મોબાઇલ કનેક્ટિવિટી અને ડિજિટલ સેવાઓના ભવિષ્યને નવી વ્યાખ્યા આપી. 
Jioની વિકાસયાત્રા દર્શાવે છે કે દૂરંદેશી વિચારસરણી, ટેક્નોલોજીમાં નવીનતા અને વિશાળ પાયે અમલીકરણની ક્ષમતા સમગ્ર ઉદ્યોગને બદલી શકે છે અને લાખો લોકોને ડિજિટલ તકો પૂરી પાડી શકે છે.
આજે Jio Platfroms તેના ઐતિહાસિક લિસ્ટિંગ તરફ આગળ વધી રહ્યું છે. આ માત્ર એક મહત્ત્વપૂર્ણ નાણાકીય સિદ્ધિ નથી, પરંતુ ભારતની ડિજિટલ અને આર્થિક વિકાસયાત્રાના ઇતિહાસમાં એક નવું અને મહત્ત્વપૂર્ણ પ્રકરણ પણ છે.
આકાશ અંબાણી, મેનેજિંગ ડિરેક્ટર, Jio Platfroms Ltd. 
સૌને શુભ સાંજ.
આજે અહીં સમગ્ર કંપનીના પ્રતિનિધિ તરીકે ઉપસ્થિત રહેવું મારા માટે ગૌરવની વાત છે. ઈશા અને શ્રી ઉદય કોટકના પ્રારંભિક સંબોધન બદલ હું તેમનો આભાર માનું છું.
મારી રજૂઆતની વિગતોમાં આગળ વધતાં પહેલાં, હું આપ સૌને Jio મિશન વિશે જણાવવા માગું છું. છેલ્લાં ૧૦ વર્ષમાં આપણે શું નિર્માણ કર્યું છે અને ભવિષ્યમાં આપણા વિકાસને કઈ બાબતો પ્રેરિત કરે છે, તે સમજાવવું મારા માટે મહત્ત્વપૂર્ણ છે. 
Jio મિશન ખૂબ જ સરળ છે. ભારતના દરેક ઘર, દરેક નાગરિક અને દરેક વ્યવસાયિક સંસ્થાને ઉચ્ચ ગુણવત્તાની અને સૌથી વધુ પોસાય તેવી ડિજિટલ સેવાઓ સાથે જોડવાનું અમારૂં ધ્યેય છે.
અમને આપણા માનનીય વડાપ્રધાનના ડિજિટલ ઇન્ડિયા, મેક ઇન ઇન્ડિયા અને વિકસિત ભારત ૨૦૪૭ના વિઝનમાંથી પ્રેરણા મળી છે. આ દિશામાં અમારૂં લક્ષ્ય ભારતને એક અગ્રણી ડિજિટલ સમાજ બનાવવાનું છે અને Jio Platfroms Limited આ ધ્યેયને સાકાર કરવામાં સક્ષમ ભાગીદાર તરીકે પોતાની ભૂમિકા ભજવવા માગે છે.
અમે અમારી સફરની શરૂઆત કનેક્ટિવિટીથી કરી હતી. આજે, શ્રી કોટકે પણ જણાવ્યું કે આપણા દેશે કેટલું મોટું પરિવર્તન જોયું છે. હવે અમે આ કનેક્ટિવિટી પ્લેટફોર્મના આધારે એવા ઉત્પાદનો અને સેવાઓ રજૂ કરવા માગીએ છીએ, જે દરેક Jio વપરાશકર્તાના જીવનને વધુ સારૂં બનાવે.