ક્રિપ્ટો એક્સચેન્જએ ભુલથી ૧પ૦૦ કરોડના બિટકોઈન ટ્રાન્સફર કરી નાંખતા ર૪૯ ગ્રાહકો રાતોરાત કરોડપતિ બની ગયા
saurashtrabhoomi 
(એજન્સી) નવી દિલ્હી તા.૦૯
દક્ષિણ કોરિયન ક્રિપ્ટો એક્સચેન્જ બિથમ્બમાં એક મોટી ભૂલ થઈ હતી. એક્સચેન્જ દ્વારા ભૂલથી તેના ગ્રાહકોને અબજો રૂપિયાના બિટકોઇન મોકલવામાં આવ્યા. હકીકતમાં, બિથમ્બે શુક્રવારે સાંજે ૭ વાગ્યાની આસપાસ એક પ્રમોશનલ ઇવેન્ટમાં ભાગ લેતા ૨૪૯ વપરાશકર્તાઓને ભૂલથી ૬૨૦,૦૦૦ બિટકોઇન ટ્રાન્સફર કર્યા. આ એક મોટી રકમ હતી. દરેક વપરાશકર્તાને સરેરાશ ૨,૪૯૦ બિટકોઇન મળ્યા, જેની કિંમત આશરે ૧૬૬ મિલિયન ડોલર (આશરે રૂ.૧,૫૦૦ કરોડ) હતી.
આ ભૂલ બાદ, કેટલાક લોકોએ તેમને મળેલા બિટકોઇન વેચી દીધા, જેના કારણે બિટકોઇનના ભાવમાં અચાનક અને તીવ્ર ઘટાડો થયો. બિથમે જણાવ્યું છે કે તે અસરગ્રસ્ત ગ્રાહકોને થયેલા તમામ નુકસાન માટે વળતર આપશે. વધુમાં, તેમને વધારાનું ૧૦ ટકા વળતર પણ મળશે. એક્સચેન્જે એવી પણ જાહેરાત કરી હતી કે સોમવાર મધ્યરાત્રિથી શરૂ થતા એક અઠવાડિયા માટે તમામ લિસ્ટેડ એસેટ્સ પર ટ્રેડિગ ફી માફ કરવામાં આવશે. એક્સચેન્જને તેની ભૂલની જાણ થતાં જ, તેણે તાત્કાલિક કાર્યવાહી કરી. તેણે ૩૫ મિનિટમાં ટ્રેડિગ અને ઉપાડ સ્થગિત કરી દીધો. બિથમે જણાવ્યું હતું કે તેણે ૬૧૮,૨૧૨ બિટકોઇન અને વપરાશકર્તાઓ દ્વારા વેચાયેલા ૧,૭૮૮ બિટકોઇનમાંથી ૯૩ ટકા પુન:પ્રાપ્ત કર્યા છે.
)
)
