છ દિવસના યુધ્ધમાં ઈઝરાયલે રૂા.ર૭,૦૦૦ કરોડ ગુમાવ્યા
saurashtrabhoomi 
(એજન્સી) તેલઅવિવ,તા.૫:
ઈરાન-ઈઝરાયલ યુદ્ધને ૬ દિવસ થઈ ગયા છે. બંને દેશો સતત એકબીજા પર હુમલો કરી રહ્યા છે. આ યુદ્ધમાં સેંકડો લોકોએ જીવ ગુમાવ્યા છે. છતાં, યુદ્ધને સમાપ્ત કરવા માટે બંનેમાંથી કોઈ એક દેશ દ્વારા કોઈ પહેલ કરવામાં આવી નથી. અમેરિકા અને ઇઝરાયલ બંને સંયુક્ત રીતે ઈરાન પર હુમલો કરી રહ્યા છે, જ્યારે ઈરાન એકલા જ બદલો લઈ રહ્યું છે. ઈરાન સાથેના હવાઈ હુમલાઓએ ઈઝરાયલના અર્થતંત્રને નોંધપાત્ર નુકસાન પહોંચાડ્યું છે.
ઈઝરાયલના નાણા મંત્રાલયે જણાવ્યું છે કે ઈરાન સાથે ચાલી રહેલા હવાઈ યુદ્ધથી દેશની અર્થવ્યવસ્થાને દર અઠવાડિયે ૯ બિલિયન શેકેલ (આશરે ૨.૯૩ બિલિયન ડોલર) થી વધુનું નુકસાન થઈ શકે છે.
આનો અર્થ એ છે કે ઇઝરાયલ નોંધપાત્ર નુકસાન ભોગવી રહ્યું છે. જો યુદ્ધ સતત ચાલુ રહે તો આ નુકસાન વધુ વધી શકે છે. આવશ્યક સેવાઓ સિવાય મોટાભાગના વ્યવસાયો મોટાભાગના વિસ્તારોમાં બંધ છે. મોટાભાગના કર્મચારીઓ ઘરેથી કામ કરી રહ્યા છે.
