Wednesday, January 20

ઉદ્યોગપતિની આત્મહત્યા કેસમાં આરોપી પી.આઈ.ની સસ્પેન્શન બાદ બદલી

સુરત શહેરનાં એક ઉદ્યોગપતિની આત્મહત્યા સંદર્ભે સુરત ગ્રામ્ય જીલ્લાનાં માંડવી પોલીસ સ્ટેશનમાં ઈ.પી.કો. કલમ ૩૦૬, પ૦૬(ર), ૧૧૪ મુજબનો ગુનો દાખલ થયેલ છે. આ ગુનામાં જેઓ આરોપી છે તેવા સુરત શહેરનાં રાંદેર પોલીસ સ્ટેશનનાં પૂર્વ પોલીસ ઈન્સપેકટર એલ.પી. બોડાણા તથા અન્ય ત્રણ પોલીસ કર્મચારીઓને અગાઉ સસ્પેન્ડ કરવામાં આવેલ છે. આ ગુનામાં સામેલ પોલીસ અધિકારીઓ અનધિકૃત રીતે રજા ઉપર ગયેલ હોય અને આ તપાસમાં સહકાર આપતા ન હોવાની ગેરવર્તણુકને ધ્યાને લઈને તથા ઉકત ગુનામાં તેમની શંકાસ્પદ ભૂમિકા જણાતા સુરત શહેર પોલીસ કમિશ્નર દ્વારા તમામને સસ્પેન્ડ કરવામાં આવેલ હતા. આ ગુનામાં નિષ્પક્ષ રીતે તપાસ થાય અને પુરાવાઓ સાથે ચેડા ન થાય તે માટે ડી.જી.પી. આશીષ ભાટીયા દ્વારા એલ.પી. બોડાણા તથા અન્ય ત્રણ પોલીસ કર્મચારીઓનું જાહેર હિતમાં ફરજ મોકુફીનું મુખ્ય મથક બદલાવતા તેમને અલગ-અલગા સ્થળે બદલી કરેલ છે. પી.આઈ. બોડાણાને પોલીસ તાલીમ મહાવિદ્યાલય, જૂનાગઢ તેમજ અન્ય ત્રણ પોલીસ કર્મચારીઓને અમરેલી, સુરેન્દ્રનગર અને દેવભૂમિ દ્વારકા એમ અલગ-અલગ જીલ્લામાં મુકવામાં આવેલ છે.

#saurashtrabhoomi #media #news #gujarat #junagadandgandhinagar #marketing #radio #photography #socialmedia #entertainment #instagram #tv #business #podcast #branding #like#advertising #press #doubletap #saurashtranews #gujaratnews

error: Content is protected !!