ખંભાળિયાનાં ધમધમતા વિસ્તારમાં આગના બનાવથી દોડધામ મચી

ખંભાળિયાના ટ્રાફિકથી ધમધમતા એવા જાેધપુર ગેઈટ વિસ્તારમાં ગતરાત્રીના આશરે દસેક વાગ્યે એકાએક આગ ભભૂકી ઉઠી હતી. જાેધપુર ગેઈટ વિસ્તારમાં આવેલી જૂની ખડપીઠવારી ખુલ્લી જગ્યામાં આવેલો વંડો કે જ્યાં સ્થાનિકો કચરો-ડૂચો નાખે છે, આ કચરામાં કોઈ કારણોસર એકાએક આગ લાગી હતી. જેણે થોડી જ વારમાં ઉગ્ર સ્વરૂપ ધારણ કર્યું હતું. આ બનાવ અંગે સ્થાનિકો દ્વારા નગરપાલિકાના ઉપપ્રમુખ જગુભાઈ રાયચુરાને જાણ કરાતા તેમના દ્વારા ફાયર બ્રિગેડની વ્યવસ્થા કરવામાં આવી હતી. અને ફાયર સ્ટાફે ઘટનાસ્થળે દોડી જઈ, આશરે અડધો-પોણો કલાકની જહેમત બાદ આગ ઉપર કાબુ મેળવ્યો હતો. જાે કે આ કારણે કોઈ નોંધપાત્ર નુકશાની થવા પામી ન હતી. પરંતુ થોડો સમય ભયના માહોલ સાથે દોડધામ પ્રસરી ગઈ હતી.

#saurashtrabhoomi #media #news #gujarat #junagadandgandhinagar #marketing #radio #photography #socialmedia #entertainment #instagram #tv #business #podcast #branding #like#advertising #press #doubletap #saurashtranews #gujaratnews