વિદ્યાર્થીઓમાં રહેલી કલાને વિકસાવવા માટે સમગ્ર શિક્ષા અભિયાન, ગાંધીનગર અને જીલ્લા શિક્ષણાધિકારીની કચેરી, જૂનાગઢ દ્વારા ઝોન કક્ષાના કલા મહોત્સવ ર૦ર૩નું સ્વામિનારાયણ ગુરૂકુલ જ્ઞાનબાગ જૂનાગઢમાં આયોજન કરવામાં આવ્યું હતું. કુલ ૬ જીલ્લામાંથી ૬ર જેટલા સ્પર્ધકોએ, કલાસીકલ ડાન્સ, સંગીત, ગાયન, માટીના રમકડા જેવી વિવિધ સાંસ્કૃતિક સ્પર્ધામાં વિદ્યાર્થીઓએ ભાગ લીધો હતો. આ સ્પર્ધા જૂનાગઢ જીલ્લા શિક્ષણાધિકારી ભાવસિંહ વાઢેરની અધ્યક્ષતામાં સંપન્ન થયો હતો. ડીઈઓ કચેરીના જલ્પાબેન કયાડા, મનિષાબેન હિંગરાજીયા, દેવેનભાઈ રાઠોડ દ્વારા ભારે જહેમત ઉઠાવવામાં આવી હતી તેમ સંદિપભાઈ મકવાણાની યાદીમાં જણાવેલ છે.
