જામનગરના પટેલ કોલોની વિસ્તારમાં રહેતા જયરાજસિંહ પ્રદિપસિંહ ચુડાસમા નામના યુવાનો રૂપિયા ૧૮,૭૫૦ ની કિંમતનો રિયલ-મી કંપનીનો મોબાઈલ ફોન થોડા દિવસો પૂર્વે કલ્યાણપુર તાલુકામાં લીંબડી ગામથી ગુરગઢ ગામ વચ્ચે ક્યાંક ખોવાઈ ગયો હતો. જે અંગે તેમના દ્વારા સ્થાનિક પોલીસને જાણ કરવામાં આવી હતી. આને અનુલક્ષીને કલ્યાણપુરના પી.એસ.આઈ. યુ.બી. અખેડ તેમજ તેમની ટીમ દ્વારા વિવિધ દિશાઓમાં તપાસ આદરી અને ઉપરોક્ત આસામીને તેમનો મોબાઈલ શોધીને અપાવવામાં સફળતા મળી હતી. જે બદલ અરજદાર દ્વારા પોલીસ તંત્રનો આભાર વ્યક્ત કરવામાં આવ્યો હતો.