કેન્દ્રીય ગૃહમંત્રી અમિત શાહનો જન્મદિન હોય તેમના પરમમિત્ર અને સાંસદ પરિમલ નથવાણી તરફથી દ્વારકાધીશ જગતમંદિરે ધ્વજાજીનું આરોહણ કરવામાં આવ્યું હતું. દ્વારકાધીશ જગતમંદિરમાં મધ્યાહન સમયે હાલારના પનોતા પુત્ર પરિમલ નથવાણી પરિવાર દ્વારા કેન્દ્રીય ગૃહમંત્રી અમિત શાહના જન્મદિન નિમિત્તે તેમના સારા સ્વાસ્થ્યની કામના સાથે જગતમંદિરે ધ્વજાજીનું નૂતન આરોહણ કરવામાં આવ્યું હતું. આ પહેલા સવારે શારદાપીઠ ખાતે ગુરૂગાદી ઉપર ધ્વજાજીનું શાસ્ત્રોકત પઠન કરી ધ્વજાજીનું વિધિવિધાન સાથે પૂજન કરવામાં આવ્યું હતું અને બાદમાં જગતમંદિરે ધ્વજાજીનું નુતન આરોહણ કરવામાં આવ્યું હતું.