પ્રાચી તીર્થ ખાતે અખિલ વિશ્વ ગાયત્રી પરિવાર તથા રંભુબેન ઉકાભાઇ ચુડાસમા સેવા સમિતિ દ્વારા વિનામૂલ્યે સદગુરૂ સુપર મેગા નેત્ર નિદાન કેમ્પ, દંત યજ્ઞ, હાડ વૈદ, જનરલ ચેકઅપ કેમ્પ શ્રી કોળી સમાજ ભવન પ્રાચી ખાતે યોજાયો હતો. જેમાં આ કેમ્પના દાતા જયસુખભાઈ રાઠોડ પીખોર કોળી સમાજના મહેતાજી તથા શ્રી રણછોડદાસ બાપુ આંખની હોસ્પિટલ રાજકોટના ડો. ધર્મેન્દ્ર તથા ડો. ભગીરથસિંહ રાઠોડ માધવ ક્લિનિક ઘંટીયા ફાટક તથા ડોક્ટર સાવલિયા, રોહિતભાઈ પટેલ પ્રાચી તથા મહંત શ્રી કરસનદાસ બાપુ ઉપવાસી પાધેશ્વરી આશ્રમ મટાણા તથા દાંતના ડોક્ટર જયસુખભાઈ મકવાણા તથા મોનિકાબેન ભટ્ટ અને તેમની ટીમ તથા બીપીનભાઈ જાની ચ્યવન ઋષિ આશ્રમ સુત્રાપાડા ગૌરવભાઈ મહેતા સહિતના અખિલ વિશ્વ ગાયત્રી પરિવારના પરિવારજનોના કર કમલો દ્વારા દિપ પ્રાગટય કરી તથા ગાયત્રી પરિવારના કાર્યકર્તા પત્રકાર જાદવભાઇ ચુડાસમાએ કેમ્પને ઉદ્બબોધન કરીને આ કેમ્પને ખુલ્લો મુકવામાં આવ્યો હતો. આ તકે સૌના માટે વિશ્વના કલ્યાણ તથા સૌનો સદબુદ્ધિ તથા ઉજજવળ ભવિષ્ય માટે ગાયત્રી મહામંત્ર, પાંચ મહામૃત્યુંજય મંત્રનો સામુહિક જાપ કરેલ ગાયત્રી પરિવારના સંસ્થાપક વેદમુર્તિ તપોનિષ્ઠ પંડિત શ્રી રામ શર્મા આચાર્યજીના જીવનનો સંદેશ પાઠવેલ લોકોને હૃદય ગંમ કરવા આહવાન કરેલ હતું તેમજ ગાયત્રી પરિવારના અમારા કાર્યકર્તા વજુભાઈ ગોહિલના ભાઈ જેસીંગભાઇનું દુઃખદ અવસાન તેમજ વડનગરના યુવાન વિવેકભાઈનું દુઃખદ અવસાન થતા પાંચ ગાયત્રી મહામંત્ર અને બે મિનિટનો મૌન પાડી શ્રદ્ધાંજલિ પાઠવવામાં આવી હતી તથા આ કેમ્પના દાતા જયસુખભાઈ રાઠોડના પરિવારનું સન્માન પરમ પૂજ્ય ગુરૂદેવના દેવસ્થાપન ફોટો તથા ગુરૂદેવના સાહિત્ય વડે પાધેશ્વરી આશ્રમ મટાણા ઉપવાસી મહંત કરસનદાસ બાપુ દ્વારા મોમેન્ટ આપીને સન્માન કરવામાં આવેલ હતું. આ કેમ્પમાં ડો. ધર્મેન્દ્રએ ૧૪૦ દર્દીઓને દર્દીઓને તપાસી જેમાંથી ૩૯ દર્દીઓને મોતિયાના ઓપરેશન માટે રાજકોટ ખાતે લઇ ગયેલ હતા તથા દાંતના કેમ્પમાં ડોક્ટર જાગૃતિ બેને સંજયભાઈ તથા તેમની ટીમે ૪૦ દર્દીને તપાસી દવા આપી હતી અને પાંચ દાંતની ચોકટ ફ્રી બનાવી આપવામાં આવી હતી. જનરલ ચેકઅપ કેમ્પમાં ડો. ભગીરથસિંહ રાઠોડ માધવ ક્લિનિક ઘંટીયા ફાટકએ ૬૦થી વધુ દર્દીઓને તપાસી વિનામૂલ્યે દવા આપવામાં આવી હતી તથા હાર્ડવૈદ હમીરભાઇ પ્રાચીએ ૨૦ દર્દીને હાથ-પગ સાંધાના દુઃખાવાના મસાજ કરેલ તથા દાતા તરફથી સૌના માટે ચા-પાણી તથા સુંદર ભોજન પ્રસાદની સુંદર વ્યવસ્થા ગોઠવવામાં આવી હતી. આ કેમ્પને સફળ બનાવવા માટે કાનાભાઈ સોલંકી(બોસન), નાથાભાઇ સોલંકી(થરેલી) તથા રોહિતભાઈ દરબાર અમરાપુર, રાહુલભાઈ રાઠોડ બોસન તથા ભલુભાઈ બોસન તથા જુસાભાઈ વડાળા, વજુભાઈ ગોહિલ, નરસિંહભાઈ વાઢેર, છગિયાવાલાભાઈ કંટાળા, દિવાળીબેન પ્રાચી, સોનીબેન ગોરખમઢી તથા પત્રકાર જાદવભાઈ ચુડાસમા સહિત અખિલ વિશ્વ ગાયત્રી પરિવાર તથા રંભુબેન ઉકાભાઇ ચુડાસમા સેવા સમિતિના સેવાભાવી ભાઇ-બહેનો દ્વારા ખુબ જ જહેમત ઉઠાવીને આ કેમ્પને સફળ બનાવ્યો હતો.