પૂજય જલારામ બાપાના પવિત્ર ધામ એવા વિરપુર (જલારામ) ગામે ભારતીય જનતા પાર્ટીના જનસંઘ વખતના કાર્યકર અને અગ્રીમ હરોળના નેતા તેમજ ગત વિધાનસભા-૨૦૨૨ના જેતપુર-જામકંડોરણા શીટના ચુંટણી ઇન્ચાર્જ તેમજ જેતપુર તાલુકા ભાજપના પૂર્વ પ્રમુખ એવા વેલજીભાઇ સરવૈયાનું આકસ્મિક નિધન થયેલ હતું. વેલજીભાઇ સરવૈયાએ પોતાનું સમગ્ર જીવન ભાજપ પાર્ટી માટે તથા ક્ષત્રિય ખાંટ રાજપુત સમાજના વિકાસ માટે સમર્પિત કરીને બલીદાન આપેલ છે તે સ્થાન ભરવું પક્ષ માટે તેમજ ખાંટ રાજપુત સમાજ માટે ખૂબ જ મુશ્કેલ છે. પોતાની રાજકીય કારકિર્દી સને-૧૯૮૦ માં શરૂ કરનાર વેલજીભાઇ સરવૈયાએ જીવનપર્યંત પ્રમાણીક અને કઠીન મહેનતથી અને અગ્રીમ હરોળના નેતા તરીકે અમીટ છાપ છોડી છે. વેલજીભાઈ સરવૈયા પોતાના મીલનસાર સ્વભાવ, તમામ પ્રત્યે સમાન દ્રષ્ટિ ધરાવનાર અને વિરપુર ગામમાં પ્રજાલક્ષી તેમજ વિકાસલક્ષી કાર્યોમાં બલીદાન આપનાર, તેમજ ખાંટ-રાજપુત સમાજમાં અલગ અલગ સંસ્થામાં હોદ્દેદાર રહીને સમાજના વિકાસમાં અમુલ્ય યોગદાન આપેલ તેમજ સેવાકીય કાર્યો કરેલ છે અને આજે પણ તેઓના નિધનને બે વર્ષ થઇ ગયા હોવા છતા જેતપુર તાલુકા ભાજપ પરીવાર તેમજ ખાંટ રાજપુત સમાજમાં તેમની કાયમી ખોટ વરતાઇ રહી છે. તેમની સ્મૃતી કાયમી જળવાય રહે તે માટે આગામી તા.૨૯/૧૧/૨૦૨૪ ના રોજ સ્વ. વેલજીભાઇ સરવૈયાની દ્રિતીય વાર્ષિક પુણ્યતિથી નિમીતે તેમના પરિવારજનોએ વેલજીભાઇની સ્મૃતિમાં સ્વ. વેલજીભાઇ સરવૈયા મેમોરીયલ ટ્રસ્ટની ગત વર્ષે સ્થાપના કરેલ હતી. તેના નેજા હેઠળ તેમજ સમસ્ત ખાંટ રાજપુત સમાજ – વિરપુરના સહયોગથી વિરપુર મુકામે ક્ષત્રિય ખાંટ રાજપુત સમાજ વાડી ખાતે તેમની પ્રતિમા અનાવરણ અને મેરેજ હોલનું નામકરણનું આયોજન કરવામાં આવેલ છે. આ કાર્યક્રમમાં જેતપુર જામકંડોરણા વિસ્તારના ધારાસભ્ય અને પૂર્વ કેબીનેટ મંત્રી જયેશભાઇ રાદડીયાના વરદ્ હસ્તે કરવામાં આવેલ છે અને આ કાર્યક્રમનું અઘ્યક્ષ સ્થાન ખાંટ રાજપુત સમાજના વરીષ્ઠ અગ્રણી તેમજ જૂનાગઢ જીલ્લાના પૂર્વ સરકારી વકીલ નાથાભાઈ મોરીની ઉપસ્થિતીમાં યોજાનાર છે. અન્ય મહાનુભાવોમાં પોરબંદર મત વિસ્તારના સાંસદ તથા કેન્દ્રીય મંત્રી મનસુખભાઇ માંડવીયા, રાજકોટ જીલ્લા ભાજપના પ્રમુખ અલ્પેશભાઇ ઢોલરીયા, જેતપુરના પુર્વ મંત્રી જશુમતીબેન કોરાટ ગોંડલના ધારાસભ્ય ગીતાબા જયરાજસિંહ જાડેજા તથા ખાંટ રાજપુત સમાજના આગેવાનો ભુપતભાઈ સોલંકી, ભીખુભાઇ ભેડા, રમેશભાઇ મકવાણા,હીરાબાપા ગુજરાતી, મુકેશભાઈ ઝાલા, જેતપુર તાલુકાના સરપંચઓ, તાલુકાં- જીલ્લા પંચાયતના સદસ્યઓને પણ આમંત્રણ આપવામાં આવેલ છે. તા.૨૯-૧૧-૨૦૨૪ના રોજ સવારે ૧૦ કલાકે જલારામ નગર રોડ, ખાંટ રાજપુત સમાજની વાડી, વિરપુર(જલારામ) ખાતે પ્રતિમાનું અનાવરણ તેમજ મેરેજહોલનું નામકરણનું આયોજન કરવામાં આવેલ છે. તેમજ પ્રતિમા અનાવરણ તથા નામકરણનો કાર્યક્રમ પૂર્ણ થયા બાદ સરવૈયા પરીવાર દ્વારા સ્વરૂચી ભોજન સમારંભનુ પણ આયોજન કરવામાં આવેલ છે. આ કાર્યક્રમની તડામાર તૈયારીઓ ચાલી રહેલ છે. સ્વ. વેલજીભાઈ મેમોરીયલ ટ્રસ્ટના પ્રમુખ જગદીશભાઇ સરવૈયા તેમજ સમસ્ત ખાંટ રાજપુત સમાજ આગેવાનોએ આ કાર્યક્રમમાં વધુમાં વધુ લોકોને ઉપસ્થિત રહેવા અપીલ કરવામાં આવે છે.