દેવભૂમિ દ્વારકા જિલ્લાના ભાણવડ પંથકમાં સોમવારે વ્યાપક પ્રમાણમાં વરસાદ વરસ્યો હોવાના વાવડ છે. ભાણવડના કેટલાક ગ્રામ્ય વિસ્તારોમાં ત્રણ થી ચાર ઈંચ સુધીનો વરસાદ પડ્યો હોવાનું પણ જાણવા મળેલ છે. આ સાથે ભાણવડ તાલુકાના રેટાકાલાવડ ગામે ચારેક ઈંચ જેટલા વ્યાપક વરસાદના કારણે કેટલાક વિસ્તારોમાં પાણી ભરાયા હતા. નોંધપાત્ર વરસાદના લીધે નદીના પાણીનું વહેણ વધુ તીવ્ર બનતા આ પાણીમાં એક સ્થળે પાર્ક કરાયેલી કાળા કલરની મોટરકાર તણાઈ હોવાનું જાણવા મળેલ છે. આટલું જ નહીં ભાણવડ તાલુકાના ગુંદા ગામે પણ વ્યાપક વરસાદ વરસતાં પાણી ભરાયુ હોવાથી ગુંદા ગામ નજીકની પાણી નહેરમાં એક સફેદ કલરની અલ્ટો મોટરકાર ડુબવા લાગી હતી. જોકે આ બન્ને મોટરકાર તણાવાના બનાવમાં કોઈ જાનહાનિ થઈ ન હતી.
#saurashtrabhoomi #media #news #gujarat #junagadandgandhinagar #marketing #radio #photography #socialmedia #entertainment #instagram #tv #business #podcast #branding #like#advertising #press #doubletap #saurashtranews #gujaratnews