Friday, January 22

જૂનાગઢમાં ધોરાજી રોડ ઉપર આવેલ નકલી દવા બનાવતી ફેકટરીમાં જનતા રેડ

જૂનાગઢનાં ધોરાજી રોડ ઉપર આવેલા ગુજરાત ગ્રીન ક્રોપ કેર નામના એક કારખાનામાં આજે જનતા રેડ પાડવામાં આવી છે. આ લખાય છે ત્યારે તેની કાર્યવાહી ચાલુ છે અને નકલી ટ્રાયકોટ પાઉડર બનાવવાનું કૌભાંડ ઝડપી લેવામાં આવ્યું હોવાનું બહાર આવેલ છે. આ અંગે પ્રાપ્ત વિગત અનુસાર કિસાન કોંગ્રેસનાં પાલભાઈ આંબલીયા અને મનિષભાઈ નંદાણીયા અને ટીમે મિડીયાને સાથે રાખી અને જૂનાગઢ-ધોરાજી રોડ ઉપર આવેલા કારખાનામાં જનતા રેડ પાડી હતી અને આ જનતા રેડ દરમ્યાન ટ્રાયકોટ પાઉડરનો જથ્થો ઝડપી લેવામાં આવેલ હતો. આ જથ્થાનો ઉપયોગ મગફળીમાં ફુગ કાઢવા માટે કરવામાં આવે છે. આ લખાય છે ત્યારે રેડની કાર્યવાહી હજુ ચાલુ છે અને જવાબદારો સામે પગલા લેવાની માંગણી કરવામાં આવી રહી છે.

#saurashtrabhoomi #media #news #gujarat #junagadandgandhinagar #marketing #radio #photography #socialmedia #entertainment #instagram #tv #business #podcast #branding #like#advertising #press #doubletap #saurashtranews #gujaratnews

error: Content is protected !!