વેરાવળ રેલ્વે સ્ટેશનમાંથી મળી આવેલ અજાણી મહિલાનું સારવાર દરમ્યાન મૃત્યું

વેરાવળ રેલ્વે સ્ટેશન પ્લેટ ફોર્મ નં.૧ ઉપરથી પાંચ માસ પહેલા મળેલ અજાણી મહિલાનું સારવાર દરમ્યાન મૃત્યું નિપજેલ છે. અજાણી મહિલાના કોઇ વાલી-વારસ હોય તેઓએ રેલ્વે પોલીસનો સંપર્ક કરવા અપીલ કરેલ છે. રેલ્વે પોલીસના એ.એસ.આઇ. પ્રવિણચંદ્ર ચૌહાણ (મો.૭પ૬૭૧ ર૯૩૩ર) એ જણાવેલ કે, ગત તા. રપ-ર-ર૦ર૦ના રોજ વેરાવળ રેલ્વે સ્ટેશનના પ્લેટ ફોર્મ નં.૧ ઉપર બીમાર હાલતમાં એક મહિલા પડેલ હોય જેને પ્રથમ વેરાવળ સરકારી હોસ્પીટમાં અને ત્યાંથી જૂનાગઢ સીવીલ હોસ્પીટલમાં સારવારમાં ખસેડેલ જયાં તા.ર૬-૮-ર૦ર૦ના રોજ મૃત્યું નીપજેલ છે. આ અજાણી મહિલાની પ્રાથમીક તપાસમાં તેનું નામ કમતુબેન મથુરભાઇ ડામોર આદીવાસી (ઉ.વ.આશરે ૬પ) ની હોવાનું જાણવા મળેલ છે. આ મહિલા પાતળા બાંધાની અને રંગે ઘઉં વર્ણની તથા ઉંચાઇ પ-પ અને માથામાં સફેદ વાળ તથા જમણા હાથમાં ફુલડા અને ગુજરાતીમાં કંકુબેન તથા ડાબા હાથમાં ફુલડા અને મોરનું ચીત્ર ત્રોફાવેલ છે. આ અજાણી મહિલાના વાલી-વારસોએ રેલ્વે પોલીસનો સંપર્ક કરવા એક યાદીમાં જણાવેલ છે.

#saurashtrabhoomi #media #news #gujarat #junagadandgandhinagar #marketing #radio #photography #socialmedia #entertainment #instagram #tv #business #podcast #branding #like#advertising #press #doubletap #saurashtranews #gujaratnews