ગવર્મેન્ટ ગર્લ્સ હાઇસ્કૂલ જૂનાગઢના શિક્ષિકા ડો. ખુશ્બુ ગરાળાને રાજ્યપાલના હસ્તે શ્રેષ્ઠ શિક્ષક સન્માન પ્રાપ્ત થયું

અચલા એજ્યુકેશન ફાઉન્ડેશનના સ્થાપક ડો. મફતભાઈ પટેલ દ્વારા પ્રતિવર્ષ રાજ્યના શ્રેષ્ઠ શિક્ષકોને સમ્માનિત કરવામાં આવે છે ત્યારે આ વર્ષે જૂનાગઢ ગવર્મેન્ટ ગર્લ્સ હાઈસ્કૂલના શિક્ષિકા ડો. ખુશ્બુ ગરાળાને કેરળના મહામહિમ રાજ્યપાલ આરીફ મહંમદખાનના હસ્તે આ સન્માન પ્રાપ્ત થયું હતું. અમદાવાદ ખાતે યોજાયેલા આ પ્રસંગે રાજ્યભરના સારસ્વતો અને સાહિત્યકારો ઉપસ્થિત રહ્યા હતા. નોંધનીય છે કે, ડો. ખુશ્બુબેને બાળઉછેરમાં જાેવા મળતી ક્ષતિઓ અને તેના ઉપાય જેવા મહત્વના વિષયમાં પી.એચડી.ની પદવી મેળવી છે. આ ઉપરાંત તેઓ યોગ ટ્રેનર તરીકે પોતાની શાળાના વિદ્યાર્થીઓ અને માતા-પિતા માટે સ્વાસ્થ્ય સુખાકારી માટે અભૂતપૂર્વ કાર્ય કરી રહ્યા છે. તેઓ શાળાની વિદ્યાર્થીનીઓના વિવિધ પ્રશ્નોના ઉકેલ માટે સતત પ્રયત્નશીલ રહે છે. તેમને મળેલા આ સન્માન બદલ જૂનાગઢ જિલ્લા શિક્ષણાધિકારી આર.એસ. ઉપાધ્યાય, ઇઆઈ મનિષાબેન હિંગરાજીયા તથા શાળાના આચાર્ય કરમટા અને સ્ટાફમિત્રોએ શુભેચ્છાઓ પાઠવી હતી.

#saurashtrabhoomi #media #news #gujarat #junagadandgandhinagar #marketing #radio #photography #socialmedia #entertainment #instagram #tv #business #podcast #branding #like#advertising #press #doubletap #saurashtranews #gujaratnews