Tuesday, August 9

જેતલસર નજીકના રેલવે પુલ ઉપરથી કાર નીચે ખાબકતા જૂનાગઢનાં યુવાનનું મૃત્યું : મહિલા ગંભીર

0

જૂનાગઢથી નીકળેલી એક કાર જેતલસર નજીક જેતલસર જેતપુર બાયપાસ ઉપરના રેલવે ફુલ ઉપરથી ૬૦ થી ૭૦ ફૂટ નીચે ખાતા કાર ચાલકનું મૃત્યું થયું છે. જ્યારે કારમાં બેઠેલી મહિલાને ગંભીર ઇજાઓ સાથે જેતપુરથી સારવાર આપીને જૂનાગઢ દવાખાને ખસેડાઈ છે. જૂનાગઢમાં રહેતા ચંદ્રકાંતભાઈ અગ્રાવત નામનો યુવાન જીજે-૧૧-સીડી-૯૬૧૮ નંબરની કાર લઈને જૂનાગઢથી બપોરે નીકળ્યો હતો. દરમ્યાન જેતલસર-જેતપુર બાયપાસ રોડ ઉપરના રેલવે પુલ ઉપરથી અચાનક કાર ૬૦-૭૦ ફૂટ નીચે ખાબકતા કારનો બુકડો બોલી ગયો હતો. બનાવમાં કાર ચાલક ચંદ્રકાન્ત અગ્રાવતનું ઘટના સ્થળે મૃત્યું થયું હતું. જ્યારે કારમાં સવાર રોશનીબેન કિશોરભાઈ રાઠોડ નામની મહિલાને ગંભીર ઇજાઓની પ્રાથમિક સારવાર જેતપુર અપાવી જૂનાગઢ રીફર કરાઈ છે. બનાવ સ્થળે દોડીને જેતપુર તાલુકા પોલીસે ધોરણસરની કાર્યવાહી હાથ ધરી હતી. ચાલકે સ્ટિયરિંગ ઉપરનો કાબૂ ગુમાવતા અકસ્માત સર્જાયો હોવાનું પોલીસનું અનુમાન છે. મૃતક સાથે કારમાં બેઠેલી મહિલા સાથે શુ સંબંધ છે ? શું કામે નીકળ્યા હતા ? વિગેરે સવાલોના જવાબ રોશનીબેન ભાનમાં આવ્યે મળે તેમ હોવાનું જેતપુર તાલુકા પીઆઇ જાનીએ કહ્યું હતું.

error: Content is protected !!