Tuesday, August 9

દેશ માટે આનાથી મોટી સોનેરી ક્ષણ કઇ હોઈ શકે જ્યારે એક આદિવાસી વ્યક્તિત્વ દેશના સર્વોચ્ચ સ્થાને બિરાજે

0

જ્યારે એનડીએના ઉમેદવાર શ્રીમતી દ્રૌપદી મુર્મુ દેશના સર્વોચ્ચ પદ ઉપર વિજેતા બન્યા ત્યારે આ સુવર્ણક્ષણે સમગ્ર દેશમાં ખુશીનો માહોલ જાેવા મળી રહ્યો છે. ત્યારે ભારતીય જનતા પાર્ટી જૂનાગઢ મહાનગરના પ્રમુખ પુનિત શર્માજી સાથે વાત કરતા જણાવ્યું હતું કે, દિવસ ખરેખર એક ઐતિહાસિક દિવસ છે. દ્રૌપદી મુર્મુ ભારે મતો મેળવીને ભારતના ૧૫માં રાષ્ટ્રપતિ તરીકે ચૂંટાયા છે. મુર્મુના રૂપમાં પ્રથમ આદિવાસી વ્યક્તિ ભારતના પ્રથમ નાગરિક બનીને રાષ્ટ્રપતિ ભવનમાં ભવ્ય પ્રવેશ કરવા માટે તૈયાર છે. માત્ર આ દેશના ૧૨ કરોડથી વધુ આદિવાસી સમાજ માટે જ નહીં પરંતુ સમગ્ર ભારતના ઈતિહાસમાં સુવર્ણ અક્ષરે લખવા જેવો દિવસ છે. સમગ્ર દેશવાસીઓનું માથું આજે ગર્વથી ઉંચુ છે. ભારતની આઝાદીના અમૃત ઉત્સવમાં આદિવાસી વ્યક્તિને દેશના સર્વોચ્ચ પદ ઉપર પહોંચવું એ દેશના ઈતિહાસની એક મહત્વપૂર્ણ અને ઐતિહાસિક ઘટના તરીકે ગણવામાં આવશે. ભવ્ય પરંપરા, સંસ્કૃતિ તેમજ સંસ્કારી જીવન જીવતા આ દેશનો એક મોટો ઘટક હોવા છતાં, જે સમાજ પછાત છે, અંધશ્રદ્ધાને આધીન છે, તે વ્યસની તરીકેનું લેબલ લગાવ્યા પછી વર્ષોથી ઉપેક્ષાનો જબરદસ્ત ભોગ બની રહ્યો છે. આવા પવિત્ર અને ભોળા સમાજમાંથી અને તેમાં પણ એક મહિલા દેશના સર્વોચ્ચ પદ ઉપર પહોંચી છે, તે દેશ માટે આપણે શુભ સંકેત માનવા જાેઈએ. આપણે આ ઘટનાને આદિવાસી સમાજને તેનો હિસ્સો, તેની ભાગીદારી આપવાના યોગ્ય પગલા તરીકે જાેવી જાેઈએ, પછી ભલે તે ૭૫ વર્ષ મોડું હોય. એ સાચું છે કે, આદિવાસી સમાજ વિષે આજે પણ આખા દેશમાં જે ખોટી છબી છે તેમાંથી આપણા જ સમાજના આ મોટા ઘટકને બહાર લાવવાની જરૂર હતી. કમનસીબે આ દેશ આદિવાસી સમાજના ગુસ્સાને ક્યારેય સમજી શક્યો નથી. ન તો આદિવાસી સમાજનો આટલો મોટો અવાજ હતો કે ન તો તેમની પાસે એવું નેતૃત્વ હતું કે જે તેમનો અવાજ ઉપર સુધી પહોંચાડે. જાે આપણને શ્રદ્ધા હોય અથવા તક મળે તો આપણે વધુ ઝડપે પ્રગતિ તરફ આગળ વધી શકીએ છીએ, આવા અનેક ઉદાહરણો આદિવાસી સમાજે દેશવાસીઓ સમક્ષ રજૂ કર્યા છે. પછી તે રાજકારણ હોય, સામાજિક ક્ષેત્ર હોય કે રમતગમતમાં. આદિવાસી સમાજે હંમેશા પોતાની પ્રતિભા પુરવાર કરી આ દેશનું ગૌરવ વધાર્યું છે. અંગ્રેજાે આદિવાસી સમાજ તરફ જે વિકૃત માનસિકતા સાથે જાેતા હતા, તે જ અભિગમ સ્વતંત્ર ભારતમાં પણ ચાલ્યો આવતો હતો. પણ મારી દ્રષ્ટિએ જાેઈએ તો આવો સમાજ કેવી રીતે પછાત હોય શકે, જેમાં બિરસા મુંડા, તાંત્યા મામા, રાણી ગૈદિન્લિયુ, રાણી દુર્ગાવતી, રાઘોજી ભાંગરે જેવા સેંકડો બહાદુર ક્રાંતિકારીઓ હતા અને જેમણે ભારતને અંગ્રેજાેની ગુલામીમાંથી મુક્ત કરવા માટે પોતાનો જીવ આપ્યો હતો. કમનસીબે, સ્વતંત્ર ભારતમાં અંગ્રેજાેની નીતિઓ ચાલતી હોવાને કારણે આજે પણ આદિવાસી સમાજ એ જ મૂર્તિના સંઘર્ષમાં જીવન જીવી રહ્યો છે. રાષ્ટ્રપતિ પદ ઉપર દ્રૌપદીજીની નિમણુંકને આદિવાસી સમાજની સૂચિત પ્રતિમામાંથી બહાર આવવાની દૃષ્ટિએ એક સારો સંકેત ગણવો જાેઈએ. વર્તમાન નરેન્દ્ર મોદી સરકારે જે આત્મવિશ્વાસ સાથે આદિવાસી મહિલાને રાષ્ટ્રપતિ પદ ઉપર બેસાડ્યા છે તે આવકારદાયક પગલું ગણાશે. બધા પક્ષોના સમર્થન પછી દ્રૌપદીજી બિનહરીફ ચૂંટાઈ આવ્યા હોત તો સારૂ હોત, પરંતુ તેમ છતાં દ્રૌપદીજીને જે સ્નેહ અને પ્રેમ મળ્યો છે તે બદલાતા વર્તમાનનું સૂચક માનવું જાેઈએ. વર્ષોથી ઉપેક્ષા અને અન્યાયનો ભોગ બનેલા આવા સમાજને પ્રતિનિધિત્વ આપવા વર્તમાન સરકારે પ્રયાસો શરૂ કર્યા છે. જેના કારણે એક સુમેળભર્યું વાતાવરણ સર્જાશે અને આ દેશ ઝડપથી પ્રગતિ તરફ આગળ વધશે. જે આદિવાસી સમાજમાંથી દ્રૌપદીજી આવે છે, તે સમગ્ર દેશમાં ૧૨ કરોડની વસ્તી ધરાવતો આદિવાસી સમાજ આજે પણ વિવિધ સમસ્યાઓથી ઝઝૂમી રહ્યો છે. આજે પણ ઘણાં રાજ્યોમાં પાયાની વ્યવસ્થાનો સદંતર અભાવ છે. દેશના સર્વોચ્ચ વડા તરીકે દ્રૌપદીજી આ સમાજની સમસ્યાઓ ઉપર વિશેષ ધ્યાન આપે તેવી અપેક્ષા છે. વિવિધ આંતરરાષ્ટ્રીય પ્રવૃતિઓએ આદિવાસી સમાજનો ઉપયોગ કરી સમાજને હંમેશા નિચે જ રાખ્યો છે અને આદીવાસી સમાજ તેમનાં હક્ક માટે લડી રહ્યો છે તે સમાજની દરેક સમસ્યાનો ઉકેલ લાવવાની તેમની પ્રાથમિકતા હોવી જાેઈએ. આ દ્રષ્ટિકોણથી તેમણે આદિવાસીઓની સમસ્યાઓના મૂળ કારણો શોધવાનો પણ પ્રયાસ કરવો પડશે. દ્રૌપદીજીને આ દેશના રાષ્ટ્રપતિ તરીકે આવનારા કેટલાક વર્ષોમાં ઘણા મહત્વપૂર્ણ ર્નિણયોમાં સહભાગી બનવાનું સૌભાગ્ય મળી રહ્યું છે. પોતાના અંગત જીવનમાં તમામ પ્રકારના સંઘર્ષોનો સામનો કરીને દ્રૌપદીજીએ જે રીતે સામાજિક અને રાજકીય જીવનમાં પોતાની જાતને સ્થાપિત કરી, તે અનુભવના આધારે રાષ્ટ્રપતિ તરીકે તેઓ પણ આ દેશની એકતા અને અખંડિતતા માટે પોતાનું સર્વોચ્ચ યોગદાન આપશે તેવો દરેક દેશવાસીઓને વિશ્વાસ છે. છેલ્લે આઝાદીના ૭૫ વર્ષમાં દ્રૌપદી મુર્મુજી જેવા આદિવાસી વ્યક્તિ રાષ્ટ્રપતિ તરીકે ચૂંટાય તે સુવર્ણક્ષણ કરતાં દેશ માટે વધુ સુવર્ણ અને સૌભાગ્ય બીજું શું હોય શકે ?

error: Content is protected !!