દેવભૂમિ દ્વારકા જિલ્લાના કલ્યાણપુરમાં આવેલા બીઆરસી મુકામે તાલુકા કક્ષાનો કલા મહોત્સવનું આયોજન કરવામાં આવ્યું હતું. આ કલા મહોત્સવમાં કુલ ૧૫૪ વિદ્યાર્થીઓએ ચિત્ર સ્પર્ધા, બાળકવિ સંમેલન, સંગીત ગાયન, સંગીત વાદન, વાર્તા કથન જેવી વિવિધ સ્પર્ધાઓમાં ભાગ લીધો હતો. આ કાર્યક્રમમાં જિલ્લા પ્રાથમિક શિક્ષક સંઘના પ્રમુખ મેરામણભાઈ ગોરીયા, તાલુકા પ્રાથમિક શિક્ષણ અધિકારી જીજ્ઞાબેન અમૃતિયા, તાલુકા સંઘના પ્રમુખ કરશનભાઇ રાવલિયા, બીઆરસી ચેતનભાઈ રાઠોડ, કેળવણી નિરીક્ષક જીવાભાઈ હાથલીયા, સીઆરસીઓ અને શિક્ષકો ઉપસ્થિત રહ્યા હતા. તાલુકા પ્રાથમિક શિક્ષક સંઘ, તાલુકા શિક્ષક મંડળી અને બીઆરસી તરફથી ભાગ લેનારા વિદ્યાર્થીઓને પુરસ્કાર આપી, પ્રોત્સાહિત કરવામાં આવ્યા હતા. આ સમગ્ર કાર્યક્રમનું સંચાલન હાજાભાઈ વાળા દ્વારા કરવામાં આવ્યું હતું.
