જૂનાગઢ, ઉના, પોરબંદર સુધી એકસ્ટ્રા બસો દોડાવશે
સોમનાથ-વેરાવળ એસટી બસ તંત્ર આગામી દિવાળીના તહેવારોમાં સોમનાથ ખાતે યાત્રિકો-પ્રવાસીઓની ભારે ભીડ સંભાવનાને લઈ પ્રજા સેવા, સસ્તી અને સલામતીભરી મનાતું એસટી તંત્ર આજથી જ ૧૦ બસ અને ર૦ ટ્રીપ સાથે કાર્યરત થયું છે. વિભાગીય એસટી ડેપો મેનેજર દિલીપ શામળા કહે છે તા.રપ-૧૦ થી ૯-૧૧ સુધી દિવાળી તહેવારો સબબ આ એકસ્ટ્રા બસો દોડશે જેનો રૂટ સોમનાથ-જૂનાગઢ, વેરાવળ-પોરબંદર અને ઉના-વેરાવળ રહેશે. જરૂરીયાત થશે તો વધુ બસો અને ટ્રીપો ઉમેરાશે. આ બસો આજથી જ કાર્યરત કરી દેવાયેલ છે.