તા. ૨૬મી રવિવાર રાષ્ટ્રીય એકતા રેલી, મશાલ સરઘસ, શૌર્ય ગીત, ધ્વજવંદન કાર્યક્રમ યોજાશે
ભારત જન વિજ્ઞાન જાથાના સહયોગથી જીવનનગર વિકાસ સમિતિ, વોર્ડ નં. ૧૦ જાગૃત નાગરિક મંડળ, મહાદેવધામ સમિતિ અને મહિલા મંડળ ઉપક્રમે પ્રજાસતાક પર્વ નિમિત્તે મહાદવધામમાં ધ્વજવંદન સાથે રાષ્ટ્રીસય એકતા રેલી, મશાલ સરઘસ, શૌર્ય ગીત, વેશભૂષા સહિત અનેકવિધ કાર્યક્રમોનું આયોજન કરવામાં આવ્યું છે. સમિતિ છેલ્લા ૪૩ વર્ષથી રાષ્ટ્રીય ત્યૌહારના આયોજનોમાં અગ્રેસર છે.
જાથાના પ્રમુખ જયંત પંડયાએ જણાવ્યું કે જીવનનગરમાં સામાજિક, રાષ્ટ્રીય, સેવાકીય, સાંસ્કૃતિક ઉત્સવ અંતર્ગત કાર્યક્રમ યોજાય છે. ગુજરાતભરમાં સમિતિની પ્રવૃત્તિ અગ્રેસર છે. તા. ૨૬મી રવિવાર સવારે સાડા આઠ કલાકે મહાદેવધામ, ૪-જીવનનગરમાં દેશપ્રેમ-દેશદાઝ, રાષ્ટ્રીય પર્વ અન્વયે કાર્યક્રમો યોજનાર છે. રાષ્ટ્રીય એકતા રેલી માર્ગો ઉપર નીકળી દેશપ્રેમના સૂત્રોચ્ચાર કરશે. રહીશોના સંતાનો વેશભૂષા પરિધાન કરશે. સમિતિએ જનજાગૃતિ માટે મશાલ સરઘસમાં જયોત પ્રગટાવી મહિલાઓ આગેવાની લેવાના છે. ભારતીય તિરંગા સાથે બાળકો અગ્રેસર રહેશે.
વધુમાં જયંત પંડયાએ જણાવ્યું કે પ્રજાસત્તાક પર્વમાં રહીશોમાં ભાતૃભાવના સંગઠન તાકાત માટે સામુહિક દિનચર્યાનું આયોજન કર્યું છે. સામુહિક સ્વચ્છતા, રોશની, રંગોળી સ્પર્ધાનું નક્કી કરવામાં આવ્યું છે. ઉપપ્રમુખ ડો. તેજસ ચોકસી, ઉમિયા ચા વાળા મુકેશભાઈ પોપટ વિશેષ અતિથિ વિશેષ પદે હાજરી આપશે.
અનિલ જ્ઞાન મંદિર અને સ્વસ્તિક વિદ્યાલયના છાત્ર-છાત્રાઓ સાંસ્કૃતિક કાર્યક્રમ વિવિધતાથી આપશે. તેમનું સંચાલન આચાર્ય છાયાબેન દવે અને તેમના શિક્ષીકા બહેનો કરશે.
કાર્યક્રમમાં શહેર ભા.જ.૫.ના હોદેદાર હરેશભાઈ કાનાણી, વિજયભાઈ પાડલીયા, વોર્ડ પ્રભારી રૂઘુભાઈ ધોળકીયા, વોર્ડ પ્રમુખ જયેશભાઈ ચોવટીયા, પૂર્વ નગર સેવક પરેશભાઈ હુંબલ, અશ્વીનભાઈ ભોરાણીયા, નગર સેવકો નિરૂભા વાઘેલા, ચેતનભાઈ સુરેજા, ડો. રાજેશ્રીબેન ડોડીયા, જયોત્સનાબેન ટીલાળા, વોર્ડના પૂર્વ પ્રમુખ રજનીભાઈ ગોલ, મહામંત્રી મેહુલભાઈ નથવાણી, રત્નદિપસિંહ જાડેજા, ડો. આશિષ મકવાણા, દર્શિતભાઈ જોષી, નરેન્દ્રસિંહ જાડેજા હાજરી આપવાના છે.
રાષ્ટ્રીય પર્વની તૈયારી અંકલેશભાઈ ગોહીલ, પંકજભાઈ મહેતા, ડો. તેજસ ચોકસી, વિનોદરાય ઉપાધ્યાય, મુકેશભાઈ પોપટ, પાર્થ ગોહેલ, યોગીતાબેન જોબનપુત્રા, શોભનાબેન ભાણવડીયા, અલ્કાબેન પંડયા, સુનીતાબેન વ્યાસ, ભારતીબેન ગંગદેવ, વાસંતીબેન રાવલ, હર્ષાબેન પંડયા એડવોકેટ, ભદ્રાબેન ગોહેલ, પ્રફુલ્લબેન બોરીચા, બીનાબેન, ભારતીબેન, મીનાબેન, ભાવનાબેન, પારૂલબેન, દિપ્તીબેન, જયશ્રીબેન જયોત્સનાબેન, કાજલબેન, રક્ષાબેન સફળ બનાવવા જહેમત ઉઠાવી રહ્યા છે.
અંતમાં જીવનનગર, જ્ઞાનજીવન, દેશળદેવપરા, અમી પાર્ક, બ્રહ્મસમાજ, તિરૂપતિ, સૌ.કલાકેન્દ્ર, રાવલનગર, શિવપરા, આસપાસના રહીશો ધ્વજવંદનમાં ભાગ લેવાના છે.