ભારત-પાક સીમા પર ભારે તંગદીલી સૈન્ય તૈનાતી બમણી કરાઈ : હાઈએલર્ટ
saurashtrabhoomi 
(એજન્સી)નવી દિલ્હી, તા.૨૪:
દિલ્હી લાલ કિલ્લા બોમ્બ વિસ્ફોટના અવાજો આંતરરાષ્ટ્રીય સરહદ અને પાકિસ્તાનની સરહદે નિયંત્રણ રેખા (ન્ર્ઝ્ર) પર સંભળાઈ રહ્યા છે. પાકિસ્તાનમાં સક્રિય આતંકવાદીઓ બદલો લેવાના પગલાં લઈ શકે છે તેવી આશંકા સાથે ત્યાં સૈનિકોની તૈનાતી અચાનક વધારી દેવામાં આવી છે.સંરક્ષણ પ્રધાન રાજનાથ સિંહે જણાવ્યું હતું કે, જ્યારે સિંધ આજે ભૌગોલિક રીતે ભારતનો ભાગ ન હોય, સભ્યતાના દૃષ્ટિકોણથી, સિંધ હંમેશા ભારતનો અભિન્ન ભાગ રહેશે. જ્યાં સુધી જમીનનો સંબંધ છે, સીમાઓ બદલાઈ શકે છે. કોણ જાણે છે, સિંધ કાલે ભારતમાં પાછું આવી શકે છે. રાજનાથસિંહના નિવેદનથી પાકિસ્તાનમાં ખળભળાટ મચી ગયો છે. દરમિયાન, અહેવાલો સામે આવી રહ્યા છે કે આંતરરાષ્ટ્રીય સરહદ અને પાકિસ્તાન સાથેની ન્ર્ઝ્ર પર તણાવ વધી ગયો છે. એવું પણ કહેવામાં આવી રહ્યું છે કે ભારતે આ વિસ્તારમાં તેના સૈનિકોની તૈનાતી બમણી કરી દીધી છે. જો કે, તેના માટે અલગ કારણ ટાંકવામાં આવી રહ્યું છે.
ખરેખર, દિલ્હી વિસ્ફોટ બાદ જમ્મુ અને કાશ્મીરમાં સુરક્ષા એજન્સીઓ હાઇ એલર્ટ પર છે. વિસ્ફોટ પછી કેન્દ્ર અને રાજ્ય ગુપ્તચર એજન્સીઓ સતત માહિતી શેર કરી રહી છે, જેના કારણે આંતરરાષ્ટ્રીય સરહદ (ૈંમ્) અને નિયંત્રણ રેખા (ન્ર્ઝ્ર) બંને પર દળોની તૈનાતીમાં અનેકગણો વધારો થયો છે.
