પ્રિયંકા ગાંધી સાથે દુર્વ્યવહાર અંગે યુપી પોલીસે માફી માંગી

હાથરમાં ગેંગરેપ પીડિતાના પરિવારને મળવા જઈ રહેલા કોંગ્રેસના નેતા પ્રિયંકા ગાંધી પોલીસ લાઠીચાર્જ દરમ્યાન કોંગ્રેસના કાર્યકરોને બચાવવા વચ્ચે પડ્યા ત્યારે એક પોલીસ કર્મીએ તેમના કપડાં પકડીને ખેંચ્યા હતા. આ ઘટના સોશિયલ મીડિયા પર વાયરલ થઇ હતી અને સાથે જ પોલીસ સામે આક્રોશ વ્યક્ત કરાયો હતો. ધક્કામુક્કી દરમ્યાન પોલીસકર્મીએે પ્રિયંકા ગાંધીનો કૂર્તો પકડીને હટાવ્યા હતા. આ કૃત્ય કેમેરામાં કેદ થઈ ગયા બાદ હવે યુપી પોલીસે પ્રિયંકા ગાંધીની માફી માગી છે અને કહ્યું છે કે, દોષિત પોલીસ કર્મી વિરૂદ્ધ કાર્યવાહી કરાશે. આ તપાસ સિનિયર મહિલા અધિકારી કરશે. કોંગ્રેસે આ મુદ્દાને દેશભરમાં ચગાવવાનું નક્કી કર્યું છે અને પીડિતાના પરિવારને મળ્યા બાદ પાર્ટીએ આ ઘટનાના વિરોધમાં દેશભરમાં સત્યાગ્રહ કરવાની જાહેરાત કરી છે. આંદોલન અંતર્ગત કોંગ્રેસે સોમવારે દેશભરમાં જિલ્લા મુખ્યમથકો બહાર ધરણા પણ કર્યા હતા.

#saurashtrabhoomi #media #news #gujarat #junagadandgandhinagar #marketing #radio #photography #socialmedia #entertainment #instagram #tv #business #podcast #branding #like#advertising #press #doubletap #saurashtranews #gujaratnews

error: Content is protected !!