Sunday, January 24

ભક્તકવિ નરસિંહ મહેતા યુનિવર્સિટીના સમાજશાસ્ત્ર ભવન દ્વારા નેશનલ કોન્ફરન્સ યોજાશે

ભક્તકવિ નરસિંહ મહેતા યુનિવર્સિટી, જૂનાગઢના સમાજશાસ્ત્ર ભવન દ્વારા આગામી તા.૨૯ જાન્યુઆરી, ૨૦૨૧ ના રોજ સોશ્યલ, ઈકોનોમી એન્ડ પોલીટીકલ ઇન્ટરવેન્સન ફોર એન્વાયરમેન્ટલ સસ્ટેનેબિલિટી ‘ શીર્ષક હેઠળ નેશનલ ઈ-કોફરન્સનું આયોજન ભક્તકવિ નરસિંહ મહેતા યુનિવર્સિટીના કુલપતિ ડો.ચેતનભાઈ ત્રિવેદીના અધ્યક્ષસ્થાને કરવામાં આવ્યું છે. પર્યાવરણીય ટકાઉપણું અંતર્ગત યોજાનાર રાષ્ટ્રીય કક્ષાના આ સંવાદમાં સમગ્ર દેશમાંથી શિક્ષણવિદો, સંશોધકો તથા વિદ્યાર્થીઓ પોતાના રીસર્ચ પેપર્સ રજુ કરશે.
આ નેશનલ કોન્ફરન્સમાં પર્યાવરણને બચાવવાના તમામ પગલાઓ વિશે તથા હાલમાં પર્યાવરણ સંદર્ભે સામાજીક, આર્થિક તથા રાજકીય હસ્તક્ષેપ વિશે ઊંડાણપૂર્વક ચિંતન-મનન કરવામાં આવશે. સમગ્ર દેશમાંથી વિદ્વાન સમાજશાસ્ત્રીઓ ઓનલાઈન-વર્ચ્યુઅલી હાજર રહેશે અને કોન્ફરન્સમાં જાેડાયેલા તમામ રીસચર્સને પ્રોત્સાહિત કરી સાચા અર્થમાં પર્યાવરણનું મહત્વ સમજાવશે. રજીસ્ટ્રેશન કરાવવા માટેની છેલ્લી તારીખ ૧૪-૦૧-૨૦૨૧ છે. રીસર્ચ પેપર્સ માટેની એબ્સ્ટ્રેકટ સબમીશનની અંતિમ તારીખ ૧૮-૦૧-૨૦૨૧ છે તથા કુલ રીસર્ચ પેપર્સ સબમીટ કરવાની અંતિમ તારીખ ૨૩-૦૧-૨૦૨૧ છે. સમગ્ર કોન્ફરન્સને સફળ બનાવવા માટે સમાજશાસ્ત્ર ભવનના અધ્યક્ષ ડો.જયસિંહ ઝાલા, ડો.પરાગ દેવાણી, ડૉ.ઋષિરાજ ઉપાધ્યાય, પ્રા.નીતિન મકવાણા સહિતના તમામ ટીચીંગ-નોન ટીચીંગ સ્ટાફ જહેમત ઉઠાવી રહ્યા છે.

#saurashtrabhoomi #media #news #gujarat #junagadandgandhinagar #marketing #radio #photography #socialmedia #entertainment #instagram #tv #business #podcast #branding #like#advertising #press #doubletap #saurashtranews #gujaratnews

error: Content is protected !!