ગુજરાત ક્રિકેટ એસોસિએશન (જી.સી.એ.) દ્વારા બોર્ડ ઓફ કન્ટ્રોલ ફોર ક્રિકેટ ઇન ઇન્ડિયા (બી.સી.સી.આઇ.) સાથે પરામર્શ કરીને ભારત અને ઇંગ્લેન્ડ વચ્ચે નરેન્દ્ર મોદી સ્ટેડિયમ ઉપર માર્ચ ૧૬, ૧૮ અને ૨૦ના રોજ રમાનારી ટી-૨૦ ઇન્ટરનેશનલ મેચ માટે બૂક કરવામાં આવેલી ટિકિટનું રીફંડ આપવાનો ર્નિણય કરવામાં આવ્યો છે. કોરોનાના વધતા કેસોને કારણે પ્રેક્ષકો વગર આ મેચ રમાડવાનો ર્નિણય કરવામાં આવ્યો છે. ગુજરાત ક્રિકેટ એસોસિએશનના ઉપપ્રમુખ ધનરાજ નથવાણીએ જણાવ્યું હતું કે, “જી.સી.એ. દ્વારા રીફંડની પ્રક્રિયા માર્ચ ૧૭, ૨૦૨૧ના રોજ શરૂ કરવામાં આવશે અને માર્ચ ૨૨, ૨૦૨૧ના રોજ પૂર્ણ કરવામાં આવશે. ઓનલાઇન અથવા ઓફલાઇન બૂક કરવામાં આવેલી તમામ ટિકિટનું રીફંડ આપવામાં આવશે.”
રીફંડની પ્રક્રિયા નીચે મુજબ રહેશે
૧. ઓનલાઇન બૂક કરવામાં આવેલી ટિકિટ માટે ઃ ઓનલાઇન બૂક કરવામાં આવેલી ટિકિટની મૂળ કિંમત (ફેસ વેલ્યુ) જે એકાઉન્ટ અને જે મોડથી ટિકિટ ખરીદવામાં આવી હશે તે પ્રમાણે રીફંડ કરવામાં આવશે. રીફંડ પ્રક્રિયા માર્ચ ૧૭, ૨૦૨૧ના રોજ બપોરે ૩.૦૦ શરૂ થશે અને માર્ચ ૨૨, ૨૦૨૧ ના રોજ સાંજે ૪.૦૦ વાગ્યા સુધીમાં પૂર્ણ કરવામાં આવશે.
૨. ઓફલાઇન બૂક કરવામાં આવેલી ટિકિટ માટે ઃ ઓફલાઇન મોડથી બૂક કરવામાં આવેલી ટિકિટના રીફંડની પ્રક્રિયા માર્ચ ૧૮,૨૦૨૧થી માર્ચ ૨૨,૨૦૨૧ સુધી સવારે ૧૦.૦૦ વાગ્યાથી સાંજના ૪.૦૦ વાગ્યા સુધી કરવામાં આવશે. ઓફલાઇન બૂક કરવામાં આવેલી ટિકિટનું રિફંડ અમદાવાદમાં નરેન્દ્ર મોદી સ્ટેડિયમમાં ગેટ નંબર ૧ ઉપર આવેલી બોક્સ ઓફિસમાંથી આપવામાં આવશે. ઓફલાઇન મોડથી બૂક કરવામાં આવેલી ટિકિટનું રીફંડ તેની છાપેલી કિંમત (ફેસ વેલ્યુ) મુજબ જેન્યુઇન/ઓરિજનલ ટિકિટ અને રીફંડ લેનાર વ્યક્તિનું ફોટો સાથેનું માન્ય ઓળખપત્ર રજૂ કરવાથી આપવામાં આવશે. ફિઝકલ ટિકિટની ચકાસણી ટિકિટ ઉપર આવેલા સિક્યોરીટી ફિચર્સને આધારે કરવામાં આવશે.
૩. કોમ્પ્લીમેન્ટરી ટિકિટ માટે રીફંડ લાગુ પડશે નહીં.
નરેન્દ્ર મોદી સ્ટેડિયમમાં ગેટ નંબર ૧ ઉપર આવેલી બોક્સ ઓફિસ ઉપર કોવિડ-૧૯ માર્ગદર્શિકાઓ જેવી કે સોશ્યલ ડિસ્ટન્સિંગ, માસ્ક અને સેનેટાઇઝેશનનું સખ્તાઇથી પાલન કરવામાં આવશે.
#saurashtrabhoomi #media #news #gujarat #junagadandgandhinagar #marketing #radio #photography #socialmedia #entertainment #instagram #tv #business #podcast #branding #like#advertising #press #doubletap #saurashtranews #gujaratnews