Friday, October 7

ગુજરાતના માનવ ઠક્કર અને ફિલઝાહ ફાતેમાએ ટોચના પ્લેયર્સને હરાવીને અપસેટ સર્જ્‌યો : કવાર્ટર ફાઇનલમાં એન્ટ્રી મેળવી

0

સ્થાનિક સ્ટાર્સ માનવ ઠક્કર અને ફિલઝાહ ફાતેમા કાદરીએ ગુરૂવારે અહીં ૩૬મી નેશનલ ગેમ્સની ક્વાર્ટર ફાઇનલમાં પહોંચવા માટે મિક્સ્ડ ડબલ્સમાં ટોચના ક્રમાંકિત સાનિલ શેટ્ટી અને મહારાષ્ટ્રના રેત્રીષ્યા ટેનિસનને હરાવી દીધા. યજમાન પેડલર્સ માટે તે એકંદરે સારો દિવસ હતો કારણ કે પુરૂષોના સિંગલ્સ સ્ટાર્સ હરમીત દેસાઈ અને માનવ ઠક્કરે પણ બીજા રાઉન્ડમાં આરામદાયક જીત સાથે તેમના અભિયાનની શરૂઆત કરી હતી. બીજા રાઉન્ડમાં, ઠક્કરે ચોથા સેટમાં ચાર મેચ પોઈન્ટ ગુમાવ્યા પરંતુ ઉત્તર પ્રદેશના સાર્થ મિશ્રાને ૧૧-૫, ૧૧-૬, ૧૧-૬, ૧૪-૧૬, ૧૧-૬થી હરાવ્યો જ્યારે દેસાઈએ તેલંગાણાના મોહમ્મદ અલીને ૧૧-૪, ૧૧-૫, ૧૧-૬, ૧૧-૮ થી હરાવ્યો. દિવસની અન્ય પુરૂષ સિંગલ્સ મેચોમાં, ટોચના ક્રમાંકિત જી સાથિયાન અને બીજા ક્રમાંકિત એ શરથ કમલે ત્રીજા રાઉન્ડમાં આગળ વધવા માટે સરળ જીત નોંધાવી હતી. માનવ ઠક્કર અને ફિલઝાહ ફાતેમા કાદરીએ સુફૈઝ એકેડેમીમાં રમતની મૂળભૂત બાબતો શીખી હોવા છતાં, તેઓને ભૂતકાળમાં ભાગ્યે જ એકસાથે રમવાની તક મળી હતી અને તેઓને એકસાથે જાેડવાનો ર્નિણય પણ રમતો પહેલા યોજાયેલી ટ્રેનિંગ શિબિરમાં લેવામાં આવ્યો હતો. “રાષ્ટ્રીય રેન્કિંગમાં ટોપ ૬માં રહેલી ટીમને હરાવવી એ ખૂબ જ સારી લાગણી છે. અમે આવતીકાલે એ જ ઉર્જા સાથે રમવાની અને મેડલ જીતવાની આશા રાખીએ છીએ,” કાદરીએ મેચ પછી કહ્યું. આ જાેડી હવે ક્વાર્ટર ફાઇનલમાં પશ્ચિમ બંગાળની મૌમા દાસ અને અનિર્બાન ઘોષ સામે ટકરાશે. માનુષ શાહ અને કૃતિવા સિન્હા રોયનું સંયોજન પણ ક્વાર્ટર ફાઇનલમાં આગળ વધ્યું હતું જ્યારે હરમીત દેસાઈ અને ફ્રેનાઝ ચિપિયાને પશ્ચિમ બંગાળના પ્રાપ્તિ સેન અને આકાશ પાલ સામે બીજા રાઉન્ડમાં પલટવારનો સામનો કરવો પડ્યો હતો.
મહત્વપૂર્ણ પરિણામો(ગુજરાતના ખેલાડીઓ, રાઉન્ડ-૨)
મેન્સ સિંગલ્સ : હરમીત દેસાઈએ મોહમ્મદ અલીને ૧૧-૪, ૧૧-૫, ૧૧-૬, ૧૧-૮થી હાર આપી, માનવ ઠક્કરએ સાર્થ મિશ્રાને ૧૧-૫, ૧૧-૬, ૧૧-૬, ૧૪-૧૬, ૧૧-૬થી હાર આપી હતી.
મહિલા સિંગલ્સ : પ્રાર્થના પરમારએ સુહાના સૈની સામે ૧૦-૧૨, ૬-૧૧, ૩-૧૧, ૫-૧૧થી હારી ગઈ, કૌશા ભૈરપુરે અનન્યા બાસાક સામે ૭-૧૧, ૭-૧૧, ૧૧-૬, ૧૧-૭, ૩-૧૧, ૫-૧૧થી હારી ગઈ હતી.
મહિલા ડબલ્સ : કૃત્વિકા સિન્હા રોય/ફ્રેનાઝ ચિપિયાએ લક્ષિતા નારંગ/તમન્ના સૈની ૧૧-૦, ૧૧-૧૩,૧૧-૭, ૧૧-૮ને હરાવ્યા, કાદરી/કૌશા ભૈરપુરે એસ. યાશિની/સીઆર હર્ષવર્ધિ સામે ૯-૧૧, ૫-૧૧, ૧૦-૧૨થી હારી ગયા હતા.
મિક્સ ડબલ્સ : ઠક્કર/કાદરીએ સાનિલ શેટ્ટી/રેત્રીષ્ય ટેનિસન ૧૧-૭, ૧૧-૮, ૧૧-૭થી હાર આપી, માનુષ શાહ/કૃત્વિકા સિન્હા રોયએ જુબિન કુમાર/રીતિ શંકર ૧૧-૧, ૧૧-૪, ૧૧-૭થી હાર આપી, દેસાઈ/ચિપિયાનો આકાશ પાલ/પ્રાપ્તિ સેન સામે ૧૦-૧૨, ૮-૧૧, ૫-૧૧થી પરાજય થયો હતો.

error: Content is protected !!