જાણીતી ફિલ્મ અભિનેત્રી અને ભાજપનાં સાંસદ કંગના રનૌતે સાસણ સિંહ દર્શન કર્યા
ગુજરાતની શાન સમા સાસણ સફારી પાર્ક તેમજ એશિયાટીક સિંહોનાં દર્શન કરી પ્રભાવિત થયા
saurashtrabhoomi 
સાસણ તા. ૧૯
હિન્દી ફિલ્મ ઉદ્યોગની જાણીતી અભિનેત્રી અને ભાજપના સાંસદ કંગના રનૌતે તેમની મોટી બહેનના દીકરા પૃથ્વી (ભાણિયા) સાથે ગુજરાતની શાન સમાન સાસણ ગીર નેચર સફારી પાર્કની મુલાકાત લીધી હતી. વહેલી સવારે ગુજરાતના એશિયાટિક સિંહોના દર્શન કરીને કંગના રનૌત ગીરની ભવ્યતાથી પ્રભાવિત થઈ હતી. આ અંગે મળતી માહિતી અનુસાર ગઈકાલે વહેલી સવારે ૬:૧૫ વાગ્યાની આસપાસ કંગના રનૌતે તેના ભાણિયા પૃથ્વી સાથે સફારી પાર્કમાં પ્રવેશ કર્યો હતો. એક્ટ્રેસે આશરે બે કલાકનો સમય જંગલ સફારીમાં વિતાવ્યો હતો. કંગના રનૌતે ખુલ્લી જિપ્સીમાં સફારી પાર્કની મુલાકાત લઈને જંગલનો રોમાંચક અનુભવ કર્યો હતો. સફારીની મુલાકાત દરમ્યાન એક્ટ્રેસ કંગના રનૌતે તેના ભાણિયા સાથે બે નર સિંહ અને એક માદા સિંહના દર્શન કર્યા હતા. ગીરના જંગલમાં મુક્તપણે વિહરતા સિંહોને જાેઇને કંગના રનૌત ખૂબ જ ખુશ થઈ હતી અને ગુજરાતનું ગૌરવ એવા આ શક્તિશાળી પ્રાણીઓના ભરપૂર વખાણ કર્યા હતા.
)
.jpg)
