સ્પેશિયલ અવેરનેસ કેમ્પિંગ ડ્રાઈવ અંતર્ગત સી બોક્સ પોર્ટલ અને મહિલાલક્ષી યોજનાકીય જાણકારી અંગે કાર્યક્રમ યોજાયો
saurashtrabhoomi 
જૂનાગઢ, તા.૧૦
હબ ફોર એમ્પાવરમેન્ટ ઓફ વિમેન તેમજ માણાવદર તાલુકા પંચાયતના સંયુક્ત ઉપક્રમે સ્પેશિયલ અવેરનેસ કેમ્પિયન ડ્રાઇવ અંતર્ગત મહિલા કર્મચારીઓને સી બોક્સ પોર્ટલ અને મહિલાલક્ષી યોજનાકીય જાણકારી મળી રહે એ માટે કાર્યક્રમ યોજાયો હતો. કાર્યક્રમ દરમિયાન કામકાજના સ્થળે સુરક્ષા થીમ અન્વયે POSH એક્ટ-૨૦૧૩ અંતર્ગત કામકાજના સ્થળે જાતીય સતામણી એટલે શું? સમિતિઓ અંગે, મહિલાઓને મળતી રહતો અંગે,ખોટી ફરિયાદ ન કરવા અંગે,દંડની જાેગવાઈ અંગે, વિગતે ચર્ચા કરવામાં આવી હતી. આ ઉપરાંત મહિલાઓને જાતીય સતામણી અંગે ઓનલાઈન ફરિયાદ માટે SHE- બોક્ષ પોર્ટલ અંગે,તેમજ મહિલાલક્ષી યોજનાકીય માહિતી આપવામાં આવી હતી. સમગ્ર કાર્યક્રમ જિલ્લા મહિલા અને બાળ અધિકારી સી.જી.સોજીત્રા અને દહેજ પ્રતિબંધક સહ રક્ષણ અધિકારી બી.ડી.ભાડના માર્ગદર્શન હેઠળ યોજાયો હતો.
