હું અસત્ય પર સત્યનાં વિજયને જાેઈ રહયો છું : વડાપ્રધાન

સોમનાથ તા. 11
વડાપ્રધાન મોદીએ સોમનાથ ખાતે જય સોમનાથનાં નારા સાથે તેમનું સંબોધન શરૂ કર્યુ હતું. વડાપ્રધાને કહયું કે, સમુદ્રના મોજાઓના ગૂંજતા જયઘોષ સાથે - એવું લાગે છે કે જાણે આખું બ્રહ્માંડ એક સૂરમાં બોલી રહ્યું છે: ‘જય સોમનાથ!‘ પ્રધાનમંત્રીએ કહ્યું: "આજે, હું ફક્ત ૭૫ વર્ષનો ઝાંખી નથી જાેઈ રહ્યો. હું વિનાશ વચ્ચે સર્જન કરવાનો સંકલ્પ જાેઈ રહ્યો છું. અહીં, હું અસત્ય પર સત્યનો વિજય જાેઈ રહ્યો છું. અહીં, હું હજારો વર્ષો સુધી ફેલાયેલી આધ્યાત્મિક ચેતના જાેઉં છું - એક એવી આધ્યાત્મિક ચેતના જેણે સમગ્ર વિશ્વને સમગ્ર માનવતાના કલ્યાણના દ્રષ્ટિકોણથી જાેયું છે. હું ભારતનો અવિનાશી સાર જાેઉં છું - એક એવો સાર જેને સદીઓના દુષ્ટ પ્રયાસો પણ ભૂંસી શક્યા નથી." વડાપ્રધાને કહ્યું કે ૭૫ વર્ષ પહેલાં, આજના દિવસે, સોમનાથ મંદિરનો જીર્ણોદ્ધાર કોઈ સામાન્ય પ્રસંગ નહોતો.
તેમણે ઉમેર્યુ કે,"સ્વતંત્રતા સમયે, સરદાર સાહેબે 500થી વધુ રજવાડાઓનું એકીકરણ કરીને એક અખંડ ભારતનો આકાર બનાવ્યો હતો. ભારતે માત્ર આઝાદી મેળવી નથી, પરંતુ તેના વારસાના ગૌરવને પણ સ્વીકારી રહ્યું છે.
પીએમ મોદીએ કહ્યું, "આજે, આપણે સોમનાથના પવિત્ર ધામના પુનર્નિર્માણની ઉજવણી કરી રહ્યા છીએ. જેમણે ‘હળાહળ’ ઝેર પીધું અને ‘નીલકંઠ’ બન્યા - તેમના જ ગર્ભગૃહમાં આજે સોમનાથ અમૃત મહોત્સવ થઈ રહ્યો છે.
‘દાદા’ સોમનાથના ભક્ત તરીકે, મેં આ સ્થાનની અસંખ્ય વખત મુલાકાત લીધી છે અને આદરપૂર્વક મારું માથું નમાવ્યું છે. જાેકે, આજે, સમયની આ યાત્રાએ ખરેખર આનંદદાયક લાગણી જગાવી. થોડા મહિના પહેલાં જ, અમે સોમનાથ ‘સ્વાભિમાન પર્વ’ ઉજવી રહ્યા હતા."
"આજે - તેના આધુનિક સ્વરૂપના અભિષેકના 75 વર્ષ પૂરા થવા પર - આપણે ફક્ત બે અલગ અલગ કાર્યક્રમમાં ભાગ લીધો નથી. તેના બદલે, ભગવાન શિવે આપણને હજાર વર્ષ લાંબી આધ્યાત્મિક યાત્રાનો અનુભવ કરવાનો લહાવો આપ્યો છે."
આજે કાશીમાં સદીઓ બાદ બાબા વિશ્વનાથ નામનો ભવ્ય વિસ્તાર થયો અને ઉજ્જૈનમાં પણ કામ કર્યું. અયોધ્યામાં 500 વર્ષની પ્રતિક્ષા પૂર્ણ થઈ છે. આવા અનેક પવિત્ર તિર્થ, મઠ, મંદિર અને ક્ષેત્રની મહિમા જાણી છે ત્યાં આપણને સમૃદ્ધ પરંપરાના દર્શન થતાં રહ્યાં છે. આ 10 થી 12 વર્ષની અંદર થયું છે. આપણા સાંસ્કૃતિ સ્થળો હજારો વર્ષોથી ભારતની ઓળખ રહ્યાં છે. આ વિરાસતના મહત્વને આપણે નથી સમજી શક્યા. વિદેશી હુમલાખોરોએ આવા સ્થળોને નષ્ટ કર્યા હતાં. ત્યારે દેશવાસીઓએ સાથે આવીને ફરી આવા સ્થળોની પુન:પ્રતિષ્ઠા કરી. આપણે ત્યાં રાષ્ટ્રીય સ્વાભિમાન સાથે રાજનીતિ થતી રહી. સોમનાથ તેનું સાક્ષી છે. આઝાદી બાદ પહેલી જવાબદારી હતી કે, સોમનાથનો પુનરૂધ્ધાર કરવો. સરદાર પટેલે તેની શરૂઆત કરી. 
પરંતુ આ માટે નહેરૂજીના વિરોધને સહન કરવો પડ્યો હતો. આ વિરોધ બાદ પણ સરદાર સાહેબે મંદિરનું પુન: નિર્માણ થયું. દેશમાં આજે પણ એવી શક્તિઓ પ્રભાવી છે જેને તુષ્ટીકરણ વધુ સારૂ લાગે છે. રામ મંદિર નિર્માણનો પણ વિરોધ કરવામાં આવ્યો હતો તેમ વડાપ્રધાન મોદીએ જણાવ્યું હતું.  વડાપ્રધાને તેમના સંબોધનની શરૂઆત પણ જય સોમનાથનાં નારા સાથે કરી હતી અને સંબોધનનો અંત પણ જય સોમનાથનાં નારા સાથે કર્યો હતો.