એપ્રિલ-ર૦ર૬ થી સમગ્ર ટેકસ સીસ્ટમ સંપૂર્ણપણે બદલાઈ જશે
saurashtrabhoomi 
તા.૩૧:
એપ્રિલ ૨૦૨૬માં કરવેરાની દુનિયા સંપૂર્ણપણે બદલાઈ જવાની છે. ૬૦ વર્ષ જૂનો કાયદો નાબૂદ થવાનો છે અને તેના સ્થાને એક નવો, સરળ કાયદો લાવવાનો છે. ૧ એપ્રિલ, ૨૦૨૬ થી, દેશમાં આવકવેરા નિયમોમાં મોટો ફેરફાર થશે. સરકાર ૧૯૬૧ ના જૂના આવકવેરા કાયદાને બદલે નવો આવકવેરા કાયદો, ૨૦૨૫ લાગુ કરવા જઈ રહી છે. ઉદ્દેશ્ય કર નિયમોને સરળ બનાવવાનો છે જેથી સામાન્ય લોકો કોઈપણ મુશ્કેલી વિના કર સમજી શકે અને ચૂકવી શકે. નવા કાયદામાં સિસ્ટમનું માળખું સમાન રહેશે, પરંતુ કર વિવાદો ઘટાડવા માટે ભાષા અને પ્રક્રિયાઓને સરળ બનાવવામાં આવશે.
નવો આવકવેરા કાયદો ૧ એપ્રિલ, ૨૦૨૬ થી અમલમાં આવશે. તેનો ઉદ્દેશ્ય વ્યક્તિઓ અને વ્યવસાયો બંને માટે કર કાયદાઓને સરળ બનાવવાનો છે. સરકાર કર સંબંધિત બાબતોમાં મુકદ્દમા અને વિવાદો ઘટાડવા માંગે છે, અને કરદાતાઓ ભય વિના નિયમોનું પાલન કરે તેની ખાતરી કરવા માંગે છે. ૨૦૨૫ના બજેટમાં આપવામાં આવેલી કર રાહત ૨૦૨૬માં પણ ચાલુ રહેશે. નવી કર વ્યવસ્થા હેઠળ, ર્વાષિક રૂ.૧૨ લાખ સુધીની આવક કરમુક્ત રહેશે.
