લાલ કિલ્લો જ નહીં સંસદ સહિત ૭ સ્થળો ત્રાસવાદીઓના નિશાન પર હતા
saurashtrabhoomi 
નવી દિલ્હી તા.૧૪:
દિલ્હીના લાલ કિલ્લા પાસે ૧૦ નવેમ્બરના રોજ થયેલા વિસ્ફોટની તપાસમાં એક મોટો ખુલાસો થયો છે. આતંકવાદીઓએ દિલ્હીને નિશાન બનાવ્યો હતો. આ હેતુ માટે ઘણા વિસ્તારોની પણ તપાસ કરવામાં આવી હતી. તપાસ એજન્સીઓના જણાવ્યા અનુસાર, માસ્ટરમાઇન્ડ, ડો. ઉમર, વિસ્ફોટની આગલી રાત્રે હરિયાણાના મેવાત ગયો હતો. ઝ્રઝ્ર્ફ ફૂટેજમાં તે સવારે ૧:૩૬ વાગ્યે વિસ્ફોટકોથી ભરેલી કાર સાથે ટોલ પ્લાઝામાંથી પસાર થતો દેખાય છે. એજન્સીઓ હવે એ નક્કી કરવાનો પ્રયાસ કરી રહી છે કે તે ત્યાં શા માટે ગયો અને કોને
મળ્યો ? ગુરુવારે પૂછપરછ દરમિયાન, ધરપકડ કરાયેલા આરોપી, ડો. મુઝમ્મિલ અને ડો. આદિલે ખુલાસો કર્યો કે આ આતંકવાદી મોડ્યુલનું લક્ષ્ય નવી દિલ્હીનો ફફૈંઁ વિસ્તાર હતો. સૂત્રોના જણાવ્યા અનુસાર, આતંકવાદીઓ સંસદના આગામી શિયાળુ સત્ર (૧ થી ૧૯ ડિસેમ્બર) દરમિયાન હુમલો કરવાનો ઇરાદો ધરાવતા હતા. ડો. ઉમરે સંસદ ભવન અને બંધારણ ક્લબનું પણ નિરીક્ષણ કર્યું હતું
યોજના સત્ર દરમિયાન વિસ્ફોટકોથી ભરેલી કારને સંસદની આસપાસ લઈ જવાની હતી. એજન્સીઓને જાણવા મળ્યું છે કે આ નેટવર્ક દેશભરમાં ૩૮ વાહનોનો ઉપયોગ કરીને વિસ્ફોટ કરવાની યોજના બનાવી રહ્યું હતું. આ હેતુ માટે, અયોધ્યા, વારાણસી અને મુંબઈ સહિત અનેક શહેરોમાં કાર તૈયાર કરવામાં આવી રહી હતી.
)
