કારની જેમ હવે બસ માટે નવી ટોલ સિસ્ટમ આવશે : નિતીન ગડકરીએ જાહેરાત કરી
saurashtrabhoomi 
(એજન્સી) નવી દિલ્હી તા.૧૨:
સરકાર દ્વારા શરૂ કરવામાં આવેલ નવા ર્વાષિક ટોલ પાસને કાર ચાલકો ખૂબ પસંદ કરી રહ્યા છે. સરકારે ૧૫ ઓગસ્ટ ૨૦૨૫થી તેનો અમલ શરૂ કર્યો છે. એક મહિનાથી ઓછા સમયમાં તેને કાર ચાલકો તરફથી જબરદસ્ત રિસ્પોન્સ મળી રહ્યો છે.
હવે કેન્દ્રીય માર્ગ પરિવહન મંત્રી નીતિન ગડકરીએ જણાવ્યું કે, સરકાર નેશનલ હાઈવે પર ચાલતી સરકારી અને પ્રાઈવેટ બસો માટે પણ નવી ટોલ સિસ્ટમ લાવી રહી છે. આ સિસ્ટમનો ફાયદો બસ ઓપરેટરોને મળશે અને મુસાફરી પણ પહેલા કરતા સસ્તી થશે.
ગડકરીએ બસ અને કાર ઓપરેટર્સ ક્ન્ફેડરેશન ઓફ ઇન્ડિયાના ભારત પ્રવાસ એવોર્ડ સમારોહમાં કહ્યું કે, અમે બસ ઓપરેટરો માટે ટોલ પોલિસી
બનાવી રહ્યા છીએ. તેમણે કહ્યું કે, ૧૫ ઓગસ્ટ પહેલા પ્રાઈવેટ કાર, જીપ અને વાન માટે ૩,૦૦૦ રૂપિયાનો ફાસ્ટેગ ર્વાષિક પાસ
શરૂ કરવામાં આવ્યો છે. આ
પાસ એક વર્ષ અથવા ૨૦૦
ટ્રિપ સુધી વેલિડ છે. હવે બસ ઓપરેટરોને પણ સરકાર દ્વારા આવી જ રાહત આપવાનું વિચાર કરવામાં આવી રહ્યો છે.
)
