જૂનાગઢના પ્રાકૃતિક ખેતી કરતા ખેડૂતો માટે મહત્વપૂર્ણ સૂચના, 10 દિવસમાં આધાર વેરિફિકેશન પૂર્ણ નહીં કરે તો સહાય અટકી શકે

જૂનાગઢ, તા. ૧૫
જૂનાગઢ જિલ્લામાં દેશી ગાય આધારિત સંપૂર્ણ પ્રાકૃતિક ખેતી કરતા ખેડૂતો માટે મહત્વપૂર્ણ સૂચના જાહેર કરવામાં આવી છે. રાજ્ય સરકારની દેશી ગાયના નિભાવ ખર્ચ માટે સહાય આપવાની યોજના હેઠળ લાભ મેળવતા જૂના લાભાર્થીઓએ વર્ષ 2026-27ના પ્રથમ હપ્તાની સહાય મેળવવા માટે નવા i-Khedut 2.0 પોર્ટલ પર પોતાની પ્રોફાઇલ બનાવી આધાર વેરિફિકેશન પૂર્ણ કરવાનું રહેશે. આ પ્રક્રિયા બાકી રાખનારા ખેડૂતોની સ્થળ ચકાસણી અટકી શકે છે અને તેના કારણે તેમને સહાય મેળવવામાં મુશ્કેલી સર્જાઈ શકે છે.
આ અંગે આત્મા જૂનાગઢના પ્રોજેક્ટ ડાયરેક્ટર દ્વારા જાહેર કરવામાં આવેલી યાદી અનુસાર, જિલ્લામાં દેશી ગાય આધારિત સંપૂર્ણ પ્રાકૃતિક ખેતી કરતા ખેડૂત કુટુંબોને એક ગાયના નિભાવ ખર્ચ માટે સહાય આપવાની યોજના અમલમાં છે. આ યોજના હેઠળ અગાઉ મંજૂર થયેલા લાભાર્થીઓ માટે હવે નવા પોર્ટલ પર નોંધણી અને આધાર ચકાસણી જરૂરી બનાવવામાં આવી છે.
ખાસ કરીને વર્ષ 2020-21 અને 2021-22 દરમિયાન જૂના i-Khedut પોર્ટલ મારફતે અરજી કરીને યોજનામાં મંજૂરી મેળવનારા ખેડૂતોને આ સૂચના લાગુ પડે છે. જે લાભાર્થીઓએ માર્ચ 2026 સુધી યોજનાની સહાય મેળવી છે, તેમણે પણ નવા પોર્ટલ પર જરૂરી પ્રક્રિયા પૂર્ણ કરવાની રહેશે.
વિભાગ દ્વારા જણાવવામાં આવ્યું છે કે અગાઉ યોજનાનો લાભ મેળવ્યો હોય તેવા ખેડૂતોએ વર્ષ 2026-27નો પ્રથમ હપ્તો મેળવવા માટે i-Khedut 2.0 પોર્ટલ પર પોતાની પ્રોફાઇલ બનાવવી અને આધાર વેરિફિકેશન કરાવવું જરૂરી છે.
આ પ્રક્રિયા માટે અગાઉથી જ ખેડૂતોને જાણ કરવામાં આવી હતી. આત્મા વિભાગ, ગુજરાત પ્રાકૃતિક કૃષિ વિકાસ બોર્ડના કર્મચારીઓ અને ખેડૂત મિત્રો દ્વારા લાભાર્થીઓને 30 સપ્ટેમ્બર, 2026 સુધીમાં આધાર વેરિફિકેશન પૂર્ણ કરવા સૂચના આપવામાં આવી હતી.
જોકે નિર્ધારિત સમયમર્યાદા પૂર્ણ થયા બાદ પણ કેટલાક ખેડૂતોએ આધાર ચકાસણીની પ્રક્રિયા પૂર્ણ કરી નથી. આવા લાભાર્થીઓની વિગતોની ચકાસણી બાકી રહેતાં આગળની વહીવટી કામગીરીમાં મુશ્કેલી સર્જાઈ રહી છે.
વિભાગના જણાવ્યા અનુસાર, આધાર વેરિફિકેશન પૂર્ણ થયા બાદ લાભાર્થીની સ્થળ ચકાસણીની પ્રક્રિયા આગળ વધારી શકાય છે. પરંતુ જે ખેડૂતોનું આધાર વેરિફિકેશન બાકી છે તેમની સ્થળ ચકાસણી પૂર્ણ થઈ શકતી નથી.
આથી આધાર વેરિફિકેશન ન કરાવનારા લાભાર્થીઓને વર્ષ 2026-27ના પ્રથમ હપ્તાની સહાય મેળવવામાં વિલંબ થઈ શકે છે. જરૂરી પ્રક્રિયા પૂર્ણ ન થાય તો તેઓ યોજનાના લાભથી વંચિત પણ રહી શકે છે.
આ પરિસ્થિતિને ધ્યાનમાં રાખીને જૂનાગઢ જિલ્લાના તમામ જૂના લાભાર્થી ખેડૂતોને આગામી 10 દિવસમાં આધાર વેરિફિકેશન પૂર્ણ કરવા અનુરોધ કરવામાં આવ્યો છે.
ખેડૂતોને ખાસ સૂચના આપવામાં આવી છે કે તેઓ નવા i-Khedut 2.0 પોર્ટલ પર પોતાની પ્રોફાઇલ તૈયાર કરીને આધાર ચકાસણીની પ્રક્રિયા વહેલી તકે પૂર્ણ કરે, જેથી યોજનાની આગળની કામગીરી સમયસર હાથ ધરી શકાય.
આધાર વેરિફિકેશન માટે ખેડૂતોને વિવિધ સ્તરે મદદ ઉપલબ્ધ કરાવવામાં આવી છે. જે ખેડૂતો જાતે ઓનલાઇન પ્રક્રિયા કરી શકતા નથી તેઓ પોતાની ગ્રામ પંચાયતનો સંપર્ક કરી શકે છે.
આ ઉપરાંત ઇન્ટરનેટ કનેક્ટિવિટી ધરાવતા કેન્દ્રો મારફતે પણ પોર્ટલ પર પ્રોફાઇલ બનાવવા અને આધાર વેરિફિકેશન કરાવવાની કામગીરી કરી શકાશે.
ખેડૂતો પોતાના વિસ્તારના ખેડૂત મિત્રનો સંપર્ક કરીને પણ આ પ્રક્રિયા અંગે માર્ગદર્શન મેળવી શકે છે. તાલુકા કક્ષાએ કાર્યરત આત્મા વિભાગ અને ગુજરાત પ્રાકૃતિક કૃષિ વિકાસ બોર્ડના સ્ટાફ દ્વારા પણ જરૂરી મદદ આપવામાં આવશે.
જૂનાગઢ શહેરમાં આવેલી ખેડૂત તાલીમ કેન્દ્રની કચેરીનો સંપર્ક કરીને પણ ખેડૂતો આ અંગે માહિતી મેળવી શકશે. આ કચેરી સરદારબાગ વિસ્તારમાં આવેલી છે.
ઉલ્લેખનીય છે કે દેશી ગાય આધારિત સંપૂર્ણ પ્રાકૃતિક ખેતીને પ્રોત્સાહન આપવા માટે રાજ્ય સરકાર દ્વારા ખેડૂત કુટુંબોને ગાયના નિભાવ ખર્ચ માટે સહાય આપવામાં આવે છે. આ યોજનાનો હેતુ ખેડૂતોને પ્રાકૃતિક ખેતી તરફ પ્રોત્સાહિત કરવાનો અને ખેતીમાં સ્થાનિક સ્તરે ઉપલબ્ધ સંસાધનોના ઉપયોગને વધારવાનો છે.
પ્રાકૃતિક ખેતીમાં દેશી ગાય આધારિત વિવિધ ખેતી પદ્ધતિઓનો ઉપયોગ કરવામાં આવે છે. આવી ખેતી કરતા ખેડૂતોને ગાયના નિભાવ ખર્ચમાં મદદરૂપ થવા માટે યોજનાની જોગવાઈ કરવામાં આવી છે.
જૂનાગઢ જિલ્લામાં અગાઉથી આ યોજનાનો લાભ મેળવી રહેલા ખેડૂતો માટે નવા પોર્ટલ પર આધાર વેરિફિકેશનની પ્રક્રિયા મહત્વપૂર્ણ બની છે. જૂના પોર્ટલ પર અરજી મંજૂર થઈ હોય અને અગાઉ સહાય મળી હોય તો પણ નવા પોર્ટલ પર જરૂરી ચકાસણી પૂર્ણ કરવાની રહેશે.
આત્મા વિભાગ દ્વારા ખેડૂતોને અનુરોધ કરવામાં આવ્યો છે કે તેઓ છેલ્લી ઘડી સુધી રાહ ન જુએ અને શક્ય તેટલી વહેલી તકે આધાર વેરિફિકેશન પૂર્ણ કરે. આમ કરવાથી લાભાર્થીની સ્થળ ચકાસણી સહિતની આગળની પ્રક્રિયા પૂર્ણ કરવામાં સરળતા રહેશે.
ખાસ કરીને વર્ષ 2020-21 અને 2021-22 દરમિયાન અરજી કરનારા તથા માર્ચ 2026 સુધી સહાય મેળવનારા તમામ જૂના લાભાર્થીઓએ આ સૂચનાને ગંભીરતાથી લેવા જણાવાયું છે.
પ્રોજેક્ટ ડાયરેક્ટર, આત્મા જૂનાગઢની યાદીમાં જણાવ્યા અનુસાર, ખેડૂતો ગ્રામ પંચાયત, ખેડૂત મિત્ર, તાલુકા કક્ષાના સંબંધિત કર્મચારીઓ અથવા સરદારબાગ ખાતેની ખેડૂત તાલીમ કેન્દ્રની કચેરીનો સંપર્ક કરીને જરૂરી માર્ગદર્શન મેળવી શકે છે. વર્ષ 2026-27ના પ્રથમ હપ્તાની સહાય મેળવવામાં કોઈ અડચણ ન સર્જાય તે માટે આગામી 10 દિવસમાં આધાર વેરિફિકેશન પૂર્ણ કરવા વિભાગ દ્વારા ફરી અનુરોધ કરવામાં આવ્યો છે.