જૂનાગઢમાં જિલ્લા કક્ષાની ‘ગ્રામીણ IT ક્વિઝ-2026’ યોજાઈ, 130 વિદ્યાર્થીઓએ ટેક્નોલોજી જ્ઞાનની કસોટી આપી
GUJCOST પ્રેરિત કાર્યક્રમમાં જિલ્લાના વિવિધ શાળાના વિદ્યાર્થીઓ અને 30 જેટલા શિક્ષકો જોડાયા; ગ્રામ્ય વિદ્યાર્થીઓમાં IT, ડિજિટલ જ્ઞાન અને ટેક્નોલોજી પ્રત્યે રસ-જાગૃતિ વધારવાનો પ્રયાસ
saurashtrabhoomi 
જૂનાગઢ,તા. ૭
જૂનાગઢ ખાતે ગ્રામ્ય વિસ્તારના વિદ્યાર્થીઓમાં માહિતી પ્રૌદ્યોગિકી, ડિજિટલ જ્ઞાન અને આધુનિક ટેક્નોલોજી પ્રત્યે રસ તથા જાગૃતિ વધારવાના હેતુથી જિલ્લા કક્ષાની ‘ગ્રામીણ IT ક્વિઝ-2026’નું આયોજન કરવામાં આવ્યું હતું. આ સ્પર્ધામાં જૂનાગઢ જિલ્લાની વિવિધ શાળાઓમાંથી આશરે 130 વિદ્યાર્થીઓએ ઉત્સાહપૂર્વક ભાગ લઈ IT અને ટેક્નોલોજી ક્ષેત્રે પોતાના જ્ઞાન અને પ્રતિભાનું પ્રદર્શન કર્યું હતું.
ગુજરાત કાઉન્સિલ ઓન સાયન્સ એન્ડ ટેક્નોલોજી (GUJCOST) પ્રેરિત અને શ્રી બ્રહ્માનંદજી જિલ્લા લોક વિજ્ઞાન કેન્દ્ર, જૂનાગઢ તેમજ જિલ્લા શિક્ષણાધિકારીની કચેરી, જૂનાગઢના સંયુક્ત ઉપક્રમે જિલ્લા કક્ષાની આ ગ્રામીણ IT ક્વિઝનું આયોજન કરવામાં આવ્યું હતું.
આ ક્વિઝ યોજવા પાછળનો મુખ્ય હેતુ ખાસ કરીને ગ્રામ્ય વિસ્તારના વિદ્યાર્થીઓને માહિતી પ્રૌદ્યોગિકીના ક્ષેત્ર સાથે વધુ નજીકથી જોડવાનો હતો. બદલાતા સમયમાં ડિજિટલ ટેક્નોલોજીનું મહત્વ સતત વધી રહ્યું છે ત્યારે વિદ્યાર્થીઓમાં IT અને ટેક્નોલોજી સંબંધિત વિષયો પ્રત્યે જિજ્ઞાસા વધે અને તેઓ પોતાના જ્ઞાનને સ્પર્ધાત્મક મંચ પર અજમાવી શકે તે માટે આ કાર્યક્રમ યોજવામાં આવ્યો હતો.
જિલ્લાની વિવિધ શાળાઓમાંથી આશરે 130 વિદ્યાર્થીઓ ઉપરાંત 30 જેટલા શિક્ષકો પણ કાર્યક્રમમાં જોડાયા હતા. વિદ્યાર્થીઓએ IT અને ટેક્નોલોજીને લગતી પ્રશ્નોત્તરીમાં ભાગ લઈને પોતાની જ્ઞાનક્ષમતા અને સમજનું પ્રદર્શન કર્યું હતું. ક્વિઝના માધ્યમથી વિદ્યાર્થીઓને ટેક્નોલોજી સંબંધિત પોતાના જ્ઞાનને ચકાસવાની સાથે અન્ય શાળાના વિદ્યાર્થીઓ સાથે સ્પર્ધા કરવાની તક મળી હતી.
ગ્રામીણ વિસ્તારના વિદ્યાર્થીઓ માટે યોજાયેલી આ ક્વિઝમાં માહિતી પ્રૌદ્યોગિકી અને ડિજિટલ જ્ઞાનને કેન્દ્રમાં રાખવામાં આવ્યું હતું. વિદ્યાર્થીઓને ટેક્નોલોજીના ક્ષેત્રમાં આગળ વધવા માટે પ્રોત્સાહિત કરવાની સાથે આ ક્ષેત્ર પ્રત્યે તેમનો રસ વધારવાનો પ્રયાસ કરવામાં આવ્યો હતો.
કાર્યક્રમમાં મુખ્ય મહેમાન તરીકે જિલ્લા શિક્ષણ અધિકારીની કચેરી, જૂનાગઢના AEI આશિષભાઈ મહિડા, પ્રેમાનંદ વિદ્યા સંકુલ જૂનાગઢના માતંગભાઈ પુરોહિત તેમજ મહેશભાઈ તેરૈયા ઉપસ્થિત રહ્યા હતા.
જિલ્લા કક્ષાની ‘ગ્રામીણ IT ક્વિઝ-2026’માં મોટી સંખ્યામાં વિદ્યાર્થીઓની ભાગીદારી જોવા મળી હતી. આ પ્રકારની સ્પર્ધા દ્વારા ગ્રામ્ય વિસ્તારના વિદ્યાર્થીઓને ટેક્નોલોજી અને ડિજિટલ ક્ષેત્ર અંગે પોતાની જાણકારી રજૂ કરવા માટે જિલ્લા કક્ષાનું મંચ મળ્યું હતું.
