નવેમ્બરમાં ગુજરાત પર વધુ એક વાવાઝોડુ ત્રાટકવાની આગાહી
saurashtrabhoomi 
(બ્યુરો) અમદાવાદ, તા.૧૦
હવામાનશાસ્ત્રી તરીકે જાણીતા અંબાલાલ પટેલે નવેમ્બરમાં નવા ચક્રવાતની ચેતવણી આપી છે. અંબાલાલે
કહ્યું કે આગામી મહિનાઓમાં ગુજરાતને વરસાદ, તોફાન
અને ઠંડીના ત્રિવિધ પ્રકોપનો સામનો કરવો પડશે.
દેશના પર્વતીય પ્રદેશોમાં
ઠંડી પડી રહી છે. ઘણી જગ્યાએ હિમવર્ષા થઈ છે. ચક્રવાત શક્તિ બાદ, ગુજરાતમાં હવામાન ફરી બદલાવાનું છે.
હવામાન આગાહીકાર અંબાલાલ પટેલે તેમની “તબાહીવાળી આગાહી” માં આ કહ્યું છે કે નવેમ્બરમાં એક મોટું ચક્રવાત ગુજરાતને અસર કરી શકે છે. આ વાવાઝોડું માત્ર વરસાદ જ નહીં પરંતુ વાવાઝોડા
અને વીજળી સાથે વિનાશ
પણ લાવી શકે છે.
અગાઉ, અરબી સમુદ્રમાં સક્રિય ચક્રવાત શક્તિએ દરિયાકાંઠાના વિસ્તારોમાં અસર કરી હતી. પરંતુ બાદમાં તે નબળું પડી ડિપ્રેશનમાં ફેરવાઈ ગયું હતું. જોકે, અંબાલાલ પટેલના મતે, શક્તિ પછી વાર્તા પૂરી થઈ નથી. નવેમ્બરમાં એક નવું ચક્રવાત ત્રાટકશે, અને રાજ્યમાં તોફાન અને વરસાદી આફતનો સામનો કરવો પડી શકે છે.
અંબાલાલ પટેલે ચેતવણી આપી છે કે નવેમ્બરમાં અરબી સમુદ્રમાં બીજું ચક્રવાત સક્રિય થઈ શકે છે. નવેમ્બરમાં ત્રાટકવાનું વાવાઝોડું "શક્તિ” કરતા પણ વધુ શક્તિશાળી હશે અને ગુજરાતમાં ભારે પવન, ભારે વરસાદ અને વીજળી પડવાની ઘટનાઓમાં વધારો થઈ શકે છે.
.jpg)
