ચોમાસાએ ગતિ પકડી : 16 રાજયોમાં પહોંચ્યુ
saurashtrabhoomi 
(એજન્સી) નવી દિલ્હી,તા.9:
દક્ષિણ પશ્ચિમ ચોમાસાએ થોડા સમય માટે વિરામ લીધા પછી ગતિ પકડી છે. 4 જૂને કેરળમાં લેન્ડફોલ કર્યા પછી, ચોમાસુ 16 રાજ્યો અને કેન્દ્રશાસિત પ્રદેશોમાં પહોંચી ગયું છે. આગામી ત્રણથી ચાર દિવસમાં ચોમાસુ ઉત્તર બંગાળ પહોંચવાની ધારણા છે. જેના કારણે, કેરળ, તમિલનાડુ અને દરિયાકાંઠાના આંધ્રપ્રદેશમાં ભારે વરસાદ પડી રહ્યો છે. 11 જૂનથી પશ્ચિમ હિમાલય ક્ષેત્રમાં પશ્ચિમી વિક્ષેપ સક્રિય થવાની ધારણા છે, જે દિલ્હી-એનસીઆર સહિત ઉત્તર-પશ્ચિમ ભારતના કેટલાક ભાગો અને બિહાર સહિત પૂર્વ ભારતના કેટલાક ભાગોમાં વરસાદ લાવી શકે છે.
ભારતીય હવામાન વિભાગ ભારતે પહેલીવાર 12 પરમાણુ શસ્ત્રો તૈનાત કર્યા અનુસાર, દક્ષિણપશ્ચિમ ચોમાસું અત્યાર સુધીમાં કેરળ, તમિલનાડુ, કર્ણાટક, ગોવા, મહારાષ્ટ્ર, તેલંગાણા સહિત તમામ સાત પૂર્વોત્તર રાજ્યોમાં પહોંચી ગયું છે. હવામાનશાસ્ત્રીઓ કહે છે કે પવન અને દરિયાની સ્થિતિ ખૂબ જ અનુકૂળ રહેશે. આગામી બે થી ત્રણ દિવસમાં, ચોમાસું મહારાષ્ટ્ર, કર્ણાટક, તેલંગાણા અને આંધ્રપ્રદેશના બાકીના વિસ્તારોને સંપૂર્ણપણે આવરી લેશે. તે તમિલનાડુ અને દક્ષિણપશ્ચિમ બંગાળની ખાડી પણ પહોંચશે. ઉત્તર તરફ આગળ વધતા, તે પશ્ચિમ-મધ્ય અને ઉત્તરપશ્ચિમ બંગાળની ખાડીના પ્રદેશોમાં પણ પહોંચશે.
