બાંગ્લાદેશમાં હિંદુઓના ૫ાંચ ઘરોમાં આગ લગાવી જીવતા સળગાવવાનો પ્રયાસ : ૬ મહિનામાં ૭૧ હુમલા
saurashtrabhoomi )
(એજન્સી) ઢાકા તા.૩૦
બાંગ્લાદેશમાં હિંદુ પરિવારોના પાંચ ઘરોમાં આગ લગાવવાની ઘટના સામે આવી છે. પરિવારના સભ્યોના જણાવ્યા અનુસાર, આગ લાગી ત્યારે તેઓ ઘરની અંદર ફસાયેલા હતા કારણ કે દરવાજા બહારથી બંધ હતા. કુલ આઠ લોકો ટીન અને વાંસની વાડ કાપીને બહાર નીકળવામાં સફળ રહ્યા. પરંતુ તેમના ઘર, સામાન અને પાલતુ પ્રાણીઓ સંપૂર્ણપણે બળીને રાખ થઈ ગયા. આ મામલે સ્થાનિક પોલીસે પાંચ શંકાસ્પદ વ્યક્તિઓની ધરપકડ કરી છે. અધિકારીઓના જણાવ્યા અનુસાર, આગ લાગવાના ચોક્કસ કારણો જાણી શકાયા નથી. મીડિયા રિપોર્ટ્સમાં કહેવામાં આવ્યું છે કે હુમલાખોરોએ એક રૂમમાં કપડાં ભરીને આગ લગાડી દીધી, જેના કારણે આગ ઝડપથી આખા ઘરમાં ફેલાઈ ગઈ. આ ઘટનાનો એક વીડિયો સોશિયલ મીડિયા પર વાયરલ થયો, જેમાં લોકો આગ બુઝાવવાનો પ્રયાસ કરતા જોવા મળી રહ્યા છે.
