ટ્રમ્પે CNN સહિતના ત્રણ મિડીયા હાઉસ પર પ્રતિબંધ લગાવ્યો : વ્હાઈટ હાઉસના દરવાજા કાયમ માટે બંધ કર્યા
saurashtrabhoomi 
(એજન્સી) વોશિંગ્ટન તા.૧૯ :
વોશિંગ્ટનમાં ૧૮ સપ્ટેમ્બરે રાષ્ટ્રપતિ ડોનાલ્ડ ટ્રમ્પે CNN, MSNOW અને પોલિટિકોને વ્હાઇટ હાઉસમાંથી પ્રતિબંધિત કરવાની જાહેરાત કરી છે.
ટ્રમ્પે જણાવ્યું કે આ સંસ્થાઓના સતત ફેક ન્યૂઝ કવરેજને કારણે આ પ્રતિબંધ મૂકવામાં આવ્યો છે. તેમણે આગળ પણ અન્ય મીડિયા સંસ્થાઓ પર આવા પ્રતિબંધો મૂકવાની ધમકી આપી હતી. ટ્રમ્પે પોતાની સોશિયલ મીડિયા સાઇટ પર લખ્યું કે આ પ્રતિબંધ તાત્કાલિક અસરથી લાગુ થશે. તેમણે આ સંસ્થાઓના રિર્પોટિંગને “FAKE NEWS” ગણાવ્યું. તો બીજી તરફ વિપક્ષી નેતાઓ અને પ્રેસ સ્વતંત્રતા માટે લડતી સંસ્થાઓએ આ પગલાંને ગેરબંધારણીય ગણાવીને ‘અમેરિકામાં સરમુખત્યારશાહીની શરૂઆત‘ ગણાવી છે.
આ પહેલાં ટ્રમ્પે ફેબ્રુઆરી ૨૦૨૫માં એસોસિએટેડ પ્રેસ (AP)ના પત્રકારો પર પણ આવો જ પ્રતિબંધ મૂક્યો હતો. તે સમયે ટ્રમ્પે APના પત્રકારોને ઓવલ ઓફિસ, એર ફોર્સ વન અને અન્ય કાર્યક્રમોમાં જવા પર રોક લગાવી હતી. આ કાર્યવાહી APએ ગલ્ફ ઓફ મેક્સિકોનું નામ બદલવાના તેમના ર્નિણયનું સમર્થન ન કર્યા બાદ કરવામાં આવી હતી.
