અમેરીકામાં હવે બર્થ ટુરિઝમ પર રોક : ટ્રમ્પનું વધુ એક ઉંબાડીયુ
saurashtrabhoomi 
(એજન્સી) વોશિંગ્ટન તા.૭
અમેરિકી રાષ્ટ્રપતિ ડોનાલ્ડ ટ્રમ્પ એ ફરી એકવાર અમેરિકામાં જન્મેલા લોકોને નાગરિકતા મળવાના વ્યાપને સીમિત કરવાનો પ્રયાસ કર્યો છે.
ટ્રમ્પે જણાવ્યું કે તેમણે ઇમિગ્રેશન સંબંધિત બે કાર્યકારી આદેશો પર હસ્તાક્ષર કર્યા છે. જેમાંથી એક અમેરિકામાં જન્મેલા એવા લોકોની સંખ્યાને સીમિત કરશે, જેઓ અહીં નાગરિકતા મેળવવાના હકદાર છે.
ટ્રમ્પે જણાવ્યું કે બીજો આદેશ ‘બર્થ ટુરિઝમ‘ પર લગામ લગાવવા માટે છે. આ અંતર્ગત એવા વિદેશી પ્રવાસીઓ પર વિઝા પ્રતિબંધો વધારવામાં આવશે, જેઓ અમેરિકામાં આવીને બાળકને જન્મ આપવા માંગે છે.
આ પહેલાં બર્થરાઇટ સિટીઝનશિપને સીમિત કરવાના પ્રયાસને સુપ્રીમ કોર્ટે ફગાવી દીધો હતો, પરંતુ હવે તેઓ ફરીથી આ માટે પ્રયાસ કરી રહ્યા છે.
