20 વર્ષમાં સોનાએ રોકાણકારોને 15 ગણું વળતર આપ્યું
saurashtrabhoomi 
(એજન્સી) નવી દિલ્હી, તા.22
દેશમાં રોકાણ માટે અસંખ્ય વિકલ્પો હોવા છતાં રોકાણકારો માટે સોનું વળતરની દ્રષ્ટિએ સૌથી વધુ વળતર આપનારૂં રોકાણ રહ્યું છે. આ અંગે પ્રકાશમાં આવેલા આંકડા મુજબ છેલ્લા 20 વર્ષમાં સોનાએ રોકાણકારોને 15 ગણું વળતર આપ્યું છે. આ અંગેના અહેવાલમાં જણાવાયું છે કે, છેલ્લા 20 વર્ષમાં સોનાએ 14.6 ટકાનું ર્વાષિક વળતર આપ્યું છે. જેમાં રોકાણકારના રૂપિયા 1 લાખ રૂપિયા 15 લાખથી વધુ થયા છે. સોનામાં આ નોંધપાત્ર ઉછાળો હોવા છતાં અમેરિકન શેરબજારમાં 15.2 ટકા ર્વાષિક વળતર મળે છે. જ્યારે ભારતીય શેરબજારમા છેલ્લા 35 વર્ષોમાં રૂપિયા 1 લાખના રૂપિયા 85 લાખ થયા છે. જે 13.2 ટકા ર્વાષિક વળતર આપે છે.
