જામનગર સ્વામીનારાયણ ગુરુકુળના સપોર્ટ ટીચરનું વિદ્યાર્થી સાથે અમાનવીય વર્તન.
saurashtrabhoomi 
જામનગર ખાતે આવેલ શ્રી સ્વામીનારાયણ ગુરુકુળ પોતાના નિયમો અને વિદ્યાર્થીઓ સાથેના અભદ્ર વર્તનને કારણે સતત વિવાદોમાં રહે છે ત્યારે આ સંસ્થામાં ફરી એક વિદ્યાર્થી સાથે અમાનવીય વર્તણુક કરવામાં આવી હોવાનું સામે આવ્યું છે. આ શાળાના સ્પોર્ટસ ટીચરે એક વિદ્યાર્થીને માથામાં તેલ ન નાખ્યું હોય તેને ઠપકો આપીને સમજાવવાને બદલે બ્લેડ વડે તેના માથાના વાળ એક બાજુથી ખરાબ રીતે કાપી નાખ્યા હતા. પોતાના પુત્રની આ હાલત જોઇને પિતાએ જામનગરના જિલ્લા શિક્ષણ અધિકારીને ફરિયાદ કરીને સ્પોર્ટસ ટીચર વિરુદ્ધ કડક કાર્યવાહી કરવાની માંગ કરી છે. આ ઘટનાથી શાળામાં અભ્યાસ કરતા સર્વે વિદ્યાર્થીઓના વાલીઓમાં પોતાના બાળકની સુરક્ષા અને ભવિષ્ય અંગે ચિંતા અને રોષ ફેલાયો છે.
