ટૂંક સમયમાં યુધ્ધ સમાપ્ત થઈ જશે ક્રુડના ભાવ ઘટશે : ટ્રમ્પનો વિરોધાભાષી દાવો
saurashtrabhoomi 
વોશિગ્ટન તા.20:
અમેરિકાના રાષ્ટ્રપતિ ડોનાલ્ડ ટ્રમ્પે દાવો કર્યો છે કે ઈરાન કોઈ કરાર પર પહોંચવા માટે ઉત્સુક છે અને હાલનો સંઘર્ષ ખૂબ જ ટૂંક સમયમાં સમાપ્ત થઈ જશે. ટ્રમ્પે એમ પણ કહ્યું હતું કે બજારમાં તેલના વધુ પડતા પુરવઠાને કારણે આગામી દિવસોમાં વૈશ્વિક તેલના ભાવમાં તીવ્ર ઘટાડો જોવા મળશે.
મંગળવારે યુએસ સેનેટે રાષ્ટ્રપતિ ડોનાલ્ડ ટ્રમ્પને ઈરાન યુદ્ધમાંથી ખસી જવા માટે દબાણ કરવાના હેતુથી એક બિલને મંજૂરી આપી. મોટી સંખ્યામાં રિપબ્લિકન સાંસદો રાષ્ટ્રપતિની ઇચ્છા વિરુદ્ધ જઈને આ પગલાની તરફેણમાં મતદાન કર્યું. ટ્રમ્પે ફેબ્રુઆરીના અંતમાં ઈરાન પર હુમલો કરવાનો આદેશ આપ્યો ત્યારથી ડેમોક્રેટિક કાયદા ઘડનારાઓ વારંવાર યુદ્ધ શક્તિના ઠરાવો પર મતદાન માટે દબાણ કરી રહ્યા છે.
