અમેરીકન સૈનિકને મારવા અથવા પકડવા પર રૂા.રપ લાખનું ઈનામ આપવાની ઈરાનના સૈન્ય વડાની જાહેરાત
saurashtrabhoomi 
(એજન્સી) તેહરાન તા.૧૭
ઈરાનની સેનાએ કોઈ પણ અમેરિકી સૈનિકને મારનાર અથવા પકડનાર વ્યક્તિને ૨૫ લાખ રૂપિયાનું ઇનામ આપવાની જાહેરાત કરી છે. જો આ કામ કોઈ મહિલા કરશે તો ઇનામની રકમ બમણી કરી દેવામાં આવશે. ઈરાની સેનાના કમાન્ડર-ઇન-ચીફ અમીર હાતમીએ કહ્યું કે આ યોજના તે લોકોની અનેક માંગણીઓ પછી બનાવવામાં આવી છે. તે લોકો માટે જેઓ ફાઇનાન્સિયલ જિહાદ દ્વારા દેશના યુદ્ધ પ્રયાસોમાં આર્થિક રીતે મદદ કરવા માંગે છે. હાતમીએ તેહરાનમાં એક ભાષણ દરમિયાન આ વાત કહી હતી. હાતમીએ કહ્યું કે આ સંઘર્ષે અમેરિકાના સૈન્ય વર્ચસ્વને નબળું પાડ્યું છે અને ઘણા દેશોને પોતાની સુરક્ષા માટે અન્ય વિકલ્પો શોધવા મજબૂર કર્યા છે.તેમણે ડોનાલ્ડ ટ્રમ્પના તે નિવેદનની પણ ટીકા કરી, જેમાં તેમણે ઈરાનની હાર પછી હોર્મુઝની સામુદ્રધુનીને અમેરિકાનો પ્રદેશ જાહેર કરવાની વાત કહી હતી. ધ જેરુસલેમ પોસ્ટ અનુસાર, હાતમીએ દાવો કર્યો કે અમેરિકી સેનાને અસરકારક રીતે પાછા હટવા મજબૂર કરવામાં આવી છે.
