ઈરાન-અમેરીકા યુધ્ધને કારણે રર ભારતીય નાગરીકોએ જીવ ગુમાવ્યા
saurashtrabhoomi 
નવી દિલ્હી તા.૨૯:
પશ્ચિમ એશિયામાં ચાલી રહેલ યુધ્ધ છેલ્લા ઘણા મહિનાઓથી તબાહી મચાવી રહ્યું છે. ફેબ્રુઆરીમાં ઇઝરાયલ અને અમેરિકા દ્વારા ઇરાન પર કરવામાં આવેલા હુમલાઓ પછી, આ પ્રદેશ સતત અશાંતિનો અનુભવ કરી રહ્યો છે, જે અનેક દેશોમાં ફેલાયેલો છે. જ્યારે અમેરિકા સમયાંતરે ઇરાન પર નવા હુમલાઓ કરી રહ્યું છે, ત્યારે ઇરાન પોતાના પર થયેલા હુમલાઓનો બદલો લેવા માટે ગલ્ફ દેશોને નિશાન બનાવી રહ્યું છે. આ સંઘર્ષમાં સેંકડો લોકોના જીવ ગયા છે. તેની અસર ફક્ત આ વિસ્તાર પૂરતી મર્યાદિત નથી; વિશ્વભરમાંથી આ વિસ્તારોમાં મુસાફરી કરનારા ઘણા લોકો પણ તેનાથી પ્રભાવિત થયા છે. ભારત સરકારે એ પણ જાહેર કર્યું હતું કે આ સંઘર્ષે ભારતીયો પર પણ કેવી રીતે વિનાશ વેર્યો છે.
વિદેશ મંત્રાલયે બુધવારે એક નિવેદનમાં જણાવ્યું હતું કે આ ક્ષેત્રમાં ચાલી રહેલા તણાવ અને યુદ્ધને કારણે ૧૪ ભારતીય ખલાસીઓ સહિત કુલ ૨૨ ભારતીય નાગરિકોએ પોતાના જીવ ગુમાવ્યા છે. મીડિયા બ્રીફિંગ દરમિયાન, વિદેશ મંત્રાલયના પ્રવક્તા રણધીર જયસ્વાલે આ પ્રદેશમાં બગડતી સુરક્ષા પરિસ્થિતિ પર ભારતની ગંભીર ચિતા વ્યક્ત કરી હતી.
.jpg/1200px-Rafale_-_RIAT_2009_(3751416421).jpg){kind=small}
