સીમાંકન બીલ પસાર કરાવવા માટે મોદી સરકાર ફરી સંસદનું સત્ર બોલાવવાની તૈયારી કરી રહી છે
saurashtrabhoomi 
(એજન્સી) નવી દિલ્હી તા, ૨૭
ચોમાસુ સત્ર સ્થગિત થયાના ઘણા દિવસો પછી પણ ઔપચારિક રીતે પૂર્ણ ન થતાં, રાજકીય વર્તુળોમાં વિવિધ અટકળો ચાલી રહી છે. સૌથી મોટો પ્રશ્ન એ છે કે શું કેન્દ્ર સરકાર સીમાંકન બિલ પસાર કરવા માટે સંસદ ફરી બોલાવવાની તૈયારી કરી રહી છે. પ્રશ્ન એ પણ છે કે શું શાસક દ્ગડ્ઢછ પાસે હવે બિલ પસાર કરવા માટે જરૂરી બે તૃતીયાંશ બહુમતીનો ટેકો છે. આ પ્રશ્નો વચ્ચે, કેન્દ્રીય સંસદીય બાબતોના મંત્રી કિરેન રિજિજુના એક નિવેદને ઉથલપાથલમાં વધારો કર્યો છે. તેમણે સ્પષ્ટપણે સંકેત આપ્યો છે કે સત્ર હજુ ટેકનિકલી સમાપ્ત થયું નથી અને સરકાર જ્યારે ઈચ્છે ત્યારે ફરી બોલાવી શકે છે. કિરેન રિજિજુએ ઇન્ડિયા ટુડે ટીવી સાથેની મુલાકાતમાં આ ટિપ્પણીઓ કરી હતી. જ્યારે તેમને પૂછવામાં આવ્યું કે શું સરકાર સીમાંકન બિલ જેવા મુદ્દાઓને ઉકેલવા માટે ખાસ સત્ર અથવા પુન:સત્ર બોલાવી શકે છે, ત્યારે કેન્દ્રીય મંત્રીએ તેને નકારી કાઢયું નહીં.
કિરેન રિજિજુએ ઇન્ટરવ્યુમાં કહ્યું, તે સંપૂર્ણપણે સરકાર પર ર્નિભર છે. જ્યારે પણ સંસદ બોલાવવાની જરૂર પડે છે, ત્યારે સરકાર ર્નિણય લે છે અને રાષ્ટ્રપતિને બોલાવવા વિનંતી કરે છે. જ્યાં સુધી સત્ર સત્તાવાર રીતે સમાપ્ત ન થાય ત્યાં સુધી તેને ફરીથી બોલાવી શકાય છે.
){kind=small}
